[A:6a]gi phyogs mtha' dag nas 'dus pa rnams la lo bcu bdun gyi bar du tshangs pa'i dbyangs kyis chos kyi 'khor lo rgya brgya chen po bskor ba'i gnas dang 'khor gyi grangs rags pa tsam gyi grangs ni/
lha sa bsam yas sgang thog dang / / lha yangs dang lham myu chu snar/ /
'khor gyi grangs ni rim pa bzhin/ / khri dang sum gsum stong bdun brgya dang / /
gnyis su stong mtsho bcu gsum tshogs/ /
khri tsho gnyis dang khri tsho gcig /
rnal 'byor pho mo khri tsho gnyis/ /
tshogs po lung rigs smra ba yis/ /
zhar chos stong dang brgyad brgya dang / /
brgyad bcu rtsa lnga yod pa la/ /
rgyan dang chos mchog lnga bcu lnga/ /
rnam nges nyis brgya lnga bcu lnga/ /
lung chos smra ba stong dang ni/ /
lnga brgya bdun bcu rtsa lnga yod/ /
ces pa ltar yin la/ de rnams las gtso bor gyur pa'i sras kyi thu bo ni/ zhang tshe spong pa chos kyi bla ma dang / khyung rin chen grags/ bre chen po shes rab 'bar gro lung pa blo gros 'byung gnas/ rang las rgan pa bdun ni/ gangs pa shi'u / gong bu ra can/ sham bu mo dig mo lhang tsher/ dmar dga' byang / rngog skya bo/ tre bo mchog gi bla ma'o/ de dag gis gnas skabs su brtsom pa mdzad pa'i rnam grangs ni/
byams chos lnga dang rtsa ba shes rab dang / / shes rab sgron me bden gnyis dbu ma rgyan/ /
spyod 'jug bslab btus slab bsdus rnam nges chos chog la/ /
bsdus don Tikar bcas pa re re mdzad/ / bden chung man ngag dbu ma snang ba dang / /
rgyan dang 'thad ldan la sogs tshad ma yi yis/ / bstan bcos brgyad la bsdus don re re mdzad/ /
ces pa ltar ro/ gzhan yang dam pa'i chos