[A:༦ན]གི་ཕྱོགས་མཐའ་དག་ནས་འདུས་པ་རྣམས་ལ་ལོ་བཅུ་བདུན་གྱི་བར་དུ་ཚངས་པའི་དབྱངས་ཀྱིས་ཆོས་ཀྱི་འཁོར་ལོ་རྒྱ་བརྒྱ་ཆེན་པོ་བསྐོར་བའི་གནས་དང་འཁོར་གྱི་གྲངས་རགས་པ་ཙམ་གྱི་གྲངས་ནི།
ལྷ་ས་བསམ་ཡས་སྒང་ཐོག་དང་། ། ལྷ་ཡངས་ དང་ལྷམ་་མྱུ་ཆུ་སྣར། །
འཁོར་གྱི་གྲངས་ནི་རིམ་པ་བཞིན། ། ཁྲི་དང་སུམ་གསུམ་སྟོང་བདུན་བརྒྱ་དང་། །
གཉིས་སུ་སྟོང་མཚོ་བཅུ་གསུམ་ཚོགས། །
ཁྲི་ཚོ་གཉིས་དང་ཁྲི་ཚོ་གཅིག །
རྣལ་འབྱོར་ཕོ་མོ་ཁྲི་ཚོ་གཉིས། །
ཚོགས་ པོ་ལུང་རིགས་སྨྲ་བ་ཡིས། །
ཞར་ཆོས་སྟོང་དང་བརྒྱད་བརྒྱ་དང་། །
བརྒྱད་བཅུ་རྩ་ལྔ་ཡོད་པ་ལ། །
རྒྱན་དང་ཆོས་མཆོག་ལྔ་བཅུ་ལྔ། །
རྣམ་ངེས་ཉིས་བརྒྱ་ལྔ་བཅུ་ལྔ། །
ལུང་ཆོས་སྨྲ་བ་སྟོང་དང་ནི། །
ལྔ་བརྒྱ་བདུན་བཅུ་རྩ་ལྔ་ཡོད། །
ཅེས་པ་ལྟར་ཡིན་ལ། དེ་རྣམས་ལས་གཙོ་བོར་གྱུར་པའི་སྲས་ཀྱི་ཐུ་བོ་ནི། ཞང་ཚེ་སྤོང་པ་ཆོས་ཀྱི་བླ་མ་དང་། ཁྱུང་རིན་ཆེན་གྲགས། བྲེ་ཆེན་པོ་ཤེས་རབ་འབར་གྲོ་ལུང་པ་བློ་གྲོས་འབྱུང་གནས། རང་ལས་རྒན་པ་བདུན་ནི། གངས་པ་ཤིའུ ། གོང་བུ་ར་ཅན། ཤམ་བུ་མོ ་དིག མོ་ ལྷང་ཚེར། དམར་དགའ་བྱང ་། རྔོག་སྐྱ་བོ། ཏྲེ་བོ་མཆོག་གི་བླ་མའོ། དེ་དག་གིས་གནས་སྐབས་སུ་བརྩོམ་པ་མཛད་པའི་རྣམ་གྲངས་ནི།
བྱམས་ཆོས་ལྔ་དང་རྩ་བ་ཤེས་རབ་དང་། ། ཤེས་རབ་སྒྲོན་མེ་བདེན་གཉིས་དབུ་མ་རྒྱན། །
སྤྱོད་འཇུག་བསླབ་བཏུས་སླབ་བསྡུས་རྣམ་ངེས་ཆོས་ཆོག་ལ། །
བསྡུས་དོན་ཊིཀར་བཅས་པ་རེ་རེ་མཛད། ། བདེན་ཆུང་མན་ངག་དབུ་མ་སྣང་བ་དང་། །
རྒྱན་དང་འཐད་ལྡན་ལ་སོགས་ཚད་མ་ཡི་ཡིས། ། བསྟན་བཅོས་བརྒྱད་ལ་བསྡུས་དོན་རེ་རེ་མཛད། །
ཅེས་པ་ལྟར་རོ། གཞན་ཡང་དམ་པའི་ཆོས་