[A:11b]byis pa'i dus nas gtsang nag pa'i 'grel pa la slob gnyer byas/ skabs zhig na shig nad drag po byung ba la gnal yo ma zlog par bzlas pa mdzad pas bskyed rim brtan par gyur te yi dam gyi zhal gzigs/ de nas dmyal zhig la dbu tshad phar phyin rnams gsan bgro sgros gleng mdzad pas thams cad las rgyal yang thugs ma tshim par lan gcig dmyal zhig la rnam nges kyi chos thon pa'i rjes su de ltar bzhed pa lags sam zhus pas/ thugs rgyal bzhengs nas 'di ma skyongs na dmyal zhig min gsung ba la/ 'dis ma khogs na nga gtsang ston min gsungs gsung nas/ nyi ma gsum gyi bar du bgro sgros gleng mdzad pas 'jam gsar rgyal/ dmyal zhig gis ja bzang po zho nyi shu'i mang bkol byas/ dar yug gcig gnang 'di la nga 'jam dpal dang mnyam bsam pa yod de/ nga bas khyed shes rab che bar 'dug pas 'jam dpal rang du gda' 'o gsungs pas 'jam gsar mar grags/ de nas thar pa gling du byon/ dmyal pa chos bzang la lo tsA tsha bslabs/ 'dol chung du dang rkyang 'dur bzhugs nas bshad pa mdzad/ ko brag pa la lam 'bras gsan pas rdo rje lus kyi rtsa gnas mngon sum du gzigs/ 'jam dpal dbyangs dang mjal 'jal/ phyis rgya nag ri bo rtse lngar theg nas thugs dam la rtse gcig tu bzhugs pa sogs rnam thar bsam gyis mi khyab bo/ 'di la rje btsun rga lo dang kun mkhyen chos sku 'od zer la sogs pa slob ma mang du byung zhing /
de yang chos sku 'od zer