[A:2a]yangs pa can la sogs par gdul bdul bya sna tshogs pa rnams rnam la legs par rnam par phye ba'i chos 'khor rim pa gsum du bskor bar mdzad cing / tha mar me mo phag gi lo la 'gar ba'i bu brtsunda 'i zhal zas kyi tha ma gsol te gyad kyi yul shing sa la zung gi bar du gzims khri bcas pa la dri za'i rgyal po rab dga' dang / kun tu rgyu rab bzang la bden bzhi'i chos bstan pa la brten bsten nas bden pa mthong ba dang dgra bcom pa la 'god par mdzad do/
[2]
gnyis pa/ ston pa mya ngan las 'das pa'i phyi lo rgyal po ma skyes dgras sbyin bdag byas/ dgra bcom pa lnga brgyas bka' bsdu dang po mdzad cing / de yang kun dga' bos mdo sde dang / nye bar 'khor gyi 'dul ba dang / 'od srungs gsungs chen pos mngon pa'i sde snod bsdus nas kun dga' bo la gtad/ des lo bzhi bcu'i bar du bstan pa bskyangs skyangs nas sha na'i gos can la gtad/ de nas rim pa bzhin du nyer sbas dang / dhi dhi ka nag po dang legs mthong gi bar du bstan pa gtad de legs par bskyangs skyangs so/ de'i rjes su sangs rgyas mya ngan las 'das nas lo brgya dang bcu lon pa na yangs pa can gyi dge slong gis gi mi rung ba'i bzhi bcu byas pa rnams rgyal po mya ngan med kyis sbyin bdag byas te grags pa la sogs pa dgra bcom pa bdun brgyas sun phyung nas bka' bsdu gnyis pa mdzad/ de'i rjes su dgra bcom pa rnams kyis skad rigs mi gcig cig pa bzhi so sor klogs pas slob ma rnams grub mtha' sna tshogs su gyur pa na/ dgra bcom pa lnga brgya/ byang chub sems dpa' lnga brgya/ so so skye bo'i mkhas pa rnams kyis