[B:439]brtsams so/ / /gnyis pa ni/ bstan pa phyi dar gyi tshe/ lha bla ma ye shes 'od kyis rtsa rgyud brtag pa gnyis pa bsgyur ro zhes 'byung yang / bshad bka' la sogs ma 'phel bar snang la/ dus phyis rdo rje 'chang gnyis pa 'brog mi shAkya ye shes zhes bya bas rgya gar du byon nas/ mkhas pa sgo drug la pha rol tu phyin pa dang / sngags kyi gzhung lugs thams cad mkhas pa bslabs te/ yul du 'byon khar rgya gar shar phyogs su byon nas/ dge slong dpa' bo rdo rje las/ kye rdo rje'i rgyud gsum yan lag dang bcas pa dang / man ngag du ma zhus te bod du byon nas/ rgyud gsum yan lag dang bcas pa'i cha mtha' dag bsgyur/ phyis paNDi ta ga ya dha ra bod du byon pa'i tshe/ rgyud rkyang man ngag gi bshad pa dang / gsung ngag rin po che lam 'bras bu dang bcas pa'i man ngag rnams tshang bar zhus te/ thos bsam gyi sgo nas gtan la phab pa yin no/ / /lotstsha ba chen po des slob ma bsam gyis mi khyab pa la gsungs kyang / 'dir gzhung tshar ba'i slob ma bzhi ni/ mnga' ris pa gsal ba'i snying po/ 'khon dkon mchog rgyal po/ se ston kun rig 'phags pa chos snang ste bzhi las mnga' ris pa gsal ba'i snying pos/ rtsa rgyud kyi tshig 'grel dang / bsdus don la sogs pa mdzad nas/ 'khon sgyi chu ba dgra lha 'bar la gsungs/ des rje btsun sa skya pa chen po la gdams so/ / /yang se ston kun rig gis zhang dgon pa ba la gsungs/ de dang 'khon dkon mchog rgyal po gnyis char kyis rje btsun sa skya pa chen po la gdams so/ / /de ltar