[B:440]brgyud pa'i bka' bab du ma dang ldan pa'i bla ma de nyid las/ rje btsun bsod nams rtse mos gsan nas/ rgyud sde spyi'i rnam gzhag dang / rtsa rgyud dang sambu Ta gnyis kyi bsdus don dang rnam bshad la sogs pa mdzad do/ / /de las rje btsun rin po che grags pa rgyal mtshan gyis gnas nas/ rgyud gsum gyi mngon par rtogs pa rin po che'i ljon shing dang / rtsa rgyud kyi rnam bshad dag ldan dang / rdo rje gur gyi bsdus don dang / rnam bshad la sogs pa mdzad do/ / /de las chos kyi rje dpal ldan sa skya paNDi tas gsan nas/ bdag med ma'i stod 'grel la sogs pa mdzad do/ / /de las chos kyi rgyal po 'phags pa rin po ches gsan nas/ rtsa rgyud kyi mchan bu dang bsdus don la sogs pa mdzad do/ / /de las bla ma dga' ldan bkra shis dpal gyis gsan nas/ rtsa rgyud kyi spyi don dang gzhung don rin po che'i sgron ma gnyis mdzad do/ / /de las chos rje brag phug pa bsod nams dpal gyis gsan/ de las bla ma blo gros brtan pas gsan/ de las bla ma dam pa dpal ldan tshul khrims kyis gsan/ de las bdag gi bla ma thams cad mkhyen pas gsan te/ 'di ni rgyud gsum char gyi brgyud pa yin no/ / /yang rtsa rgyud rkyang pa'i brgyud pa ni/ 'gro mgon chos kyi rgyal po las bla ma 'jam skya nam mkha' dpal gyis gsan/ de las bla ma dpal ldan seng ges gsan/ de las chos kyis rje bsod nams rgyal mtshan dpal bzang pos gsan/ de las bla ma dam pa dpal ldan tshul khrims kyis gsan/ de las bdag gi bla ma thams cad mkhyen pas gsan/ de las bdag gis spyir mdo sngags kyi chos du ma dang / khyad par