[B:442]las/ / /slob ma khrims ldan dul zhing dad pa can/ / /rlabs chen zab mo'i theg pa bsten par byed/ / /rnam rtog 'dam gyis rtag tu ma gos shing / / /mkhas shing blo rno thugs rje'i bdag nyid can/ / /zhes gsungs so/ / /gsum pa ni/ de lta bu'i dpon slob phan tshun skyon yon legs par brtag dgos te/ phyag rgya chen po thig le las/ / /ji ltar bsregs la sogs pas gser/ / /ji ltar mkhas pas rin po che/ / /ji ltar bde ldan bu mo ni/ / /de ltar slob ma brtag par bya/ / /de bas thams cad rab 'bad de/ / /phan tshun so sor brtag par bya/ / /de ltar min na skyon du 'gyur/ / /nam yang dngos grub 'thob mi 'gyur/ / /zhes gsungs pa ltar skyon yon legs par brtags nas/ spang bya'i slob dpon dang slob ma'i mtshan nyid ldan pa rnams dor nas/ bsten bya'i mtshan nyid can rnams slob dpon tu sbrel lo/ / /de lta ma yin na skyon du 'gyur te/ bla ma lnga bcu pa las/ bla ma dang ni slob ma dag / /mtshungs par dam tshig nyams 'gyur bas/ / /dpa' bos dang po slob dpon dang / / /slob ma'i 'brel ba brtag par bya/ / /zhes gsungs pas so/ / /bzhi pa la gsum/ slob ma dang / slob dpon dang / tshogs pas bya ba'o/ / /dang po ni/ de ltar brtags pa'i snod dang ldan pa'i slob ma des/ bsten rung gi slob dpon de la/ phyag dang maNDal sngon du 'gro bas gsol ba gdab ste/ sdom 'byung las/ thal mo sbyar ba byas nas ni/ / /gus pa'i yid kyis gsol ba gdab/ / /ces so/ de ltar ma byas na skyon du 'gyur te/ rdo rje gur las/ gang gis slob dpon gsol ma btab/ / /'dir ni rigs su skye ba med/ / /ces