[B:441]du rgyud gsum gyi dbang bka' bshad bka' lung bka' rnams dang / dag pa gsum gyi khrid dang / sgo drug chos 'brel la sogs pa man ngag du ma zhus so/ gsum pa la lnga/ 'chad pa po slob dpon gyi mtshan nyid/ nyan pa po slob ma'i mtshan nyid/ dpon slob 'grel brtag tshul/ brtags nas 'chad nyan bya tshul/ de ltar byas pa'i 'bras bu'o/ / /dang po ni rtsa rgyud du/ rang 'dod lha mnyam rnal 'byor pa/ / /rab mthong sngags kyi pha rol son/ / /zhes dang / rdo rje gur las/ dal zhing zab mo'i chos dang ldan/ / /rig pa thams cad mkhas par bcas/ / /sbyin sreg dkyil 'khor sngags shes shing / / /rab gnas gtor ma'i pha rol son/ / /de nyid bcu ni rnam par rig / /nyan thos spyod pa srung ba po/ / /sngags spyod rim par gus pa dang / / /gzugs bzang mthong na dga' ba dang / / /dkyil 'khor bri zhing bzlas par ldan/ / /rtsa ba'i ltung ba 'joms pa po/ / /sngags dang lus skyob sbyor ba yis/ / /'jig rten rnams ni bde bar byed/ / /ces dang phyag rgya chen po thig le las/ dbang bskur yod dang de nyid shes/ / /ye shes shes dang thugs rje che/ / /yan lag rlabs chen dpa' bo dang / / /ser sna med dang rang bzhin bzang / / /skal ldan mtshan nyid thams cad rdzogs/ / /phrag dog yul ni rnam par spangs/ / /rtag tu dga' ba'i yid ldan pa/ / /'dod chags chen po gcig pu'i yid/ / /slob pa de ni shes pas na/ / /bla ma de lta bu la bya/ / /zhes gsungs pa'i mtshan nyid dang ldan pa'o/ / /gnyis pa ni ye shes thig le