[A:༡༩༩ན]༄༅། ། འབྲས་བཟང་སྩོལ་བ་ལ།།
པད་དཀར་འཆང་བ་གངས་ཅན་འཛིན་མ་འདིར།།
རྒྱུད་དོན་མགྲིན་པའི་རྫ་རྔ་མཐོར་འདེགས་པའི།།
གཞོན་ནུ་ཞེས་བྱའི་འདབ་བཟང་དབང་པོ་གང།།
འགྲོ་འདིའི་བསོད་ནམས་ཟོང་གིས་རྙེད་པ་བཞིན།།
དེ་གསུང་སྔོན་མེད་ལེགས་བཤད་པུཏྤལ་ཕྲེང།།
མཛེས་མ་དྲི་མ་མེད་འོད་རྣ་ལུང་བརྒྱན།།
རང་ཉིད་ལེགས་པར་འདོད་པའི་སྐྱེ་བོ་ཡི།།
སྐལ་བཟང་མགྲིན་པར་འོས་པའི་དོ་ཤལ་བཞིན།།
གང་དེར་ལྷ་མིའི་གཙུག་རྒྱན་ཆོས་ཀྱི་རྗེ།།
སྤྱན་མངའ་ངག་གི་དབང་པོའི་མཁྱེན་ཅན་གྱི།།
རྐང་དྲུག་ངོ་མཚར་དོག་པས་ཐུགས་བཅུགས་ཏེ།།
དཔལ་མང་ལྡན་པའི་ཕོ་བྲང་རྒྱལ་བཟང་ཞེས།།
ལུགས་གཉིས་འབྱོར་པའི་ནགས་ཀླུང་ཉམས་དགའ་བར།།
འཐུནམཐུན་་རྐྱེན་འཆི་མེད་གང་ག་སྩོལ་བ་ལས།།
རྒྱ་ལས་བགྲང་ཡས་འཕེལ་བའི་པདྨོ་ཡང།།
ངོ་མཚར་འདབ་སྟོང་ལྡན་པ་ལེགས་འཁྲུངས་པ།།
གང་འདིའི་ཡི་གེ་དང་པོའི་དགེ་བའི་བཤེས།།
བསོད་ནམས་བཟང་པོར་བོད་པས་ལེགས་བསྒྲུབས་ཤིང།།
བརྩོན་པས་པར་གྱི་གླེགས་བུ་ཡོངས་སྒྲུབ་པ།།
འབྲོག་མི་རིན་ཆེན་རྒྱལ་མཚན་ཉིད་ཡིན་ནོ།།
བརྐོས་ཀྱི་འདུ་བྱེད་བཀྲ་ཤིས་རྒྱལ་མཚན་ཏེ།།
ནོར་བའི་རྙོག་པ་དང་བྱེད་ཆུ་འདང་གི།།
ནོར་བུ་དགེ་སློང་བསམ་གྲུབ་གྲགས་ཤེས་བྱ།།
དེ་དག་བརྩོན་པས་ཡོངས་སུ་གྲུབ་པ་ཡང།།
བཞི་ལྡན་བཀྲ་ཤིས་ཀླུངས་ལྡན་
ཆུ་ཕོ་འབྲུག།།
མྱོས་བྱེད་ལོ་ཁྱིམ་དབྱར་ཐའི་དུས་ལའོ།།
དེ་ལས་རྣམ་དཀར་ཆ་ཤས་ཡོངས་རྫོགས་པའི།།
དགེ་བ་དྲི་མེད་རྒྱུ་སྐར་བདག་པོའི་དཔལ།།
འགྲོ་འདི་རྨོངས་པའི་མུན་ལས་རྒྱལ་བྱེད་ཅིང།།
བླར་འོས་ཞབས་བཟང་ལྷུན་པོ་སྲིད་འདི་བརྟན།།
དམ་ཆོས་ཉི་མ་ཟླ་བའི་སྣང་བ་རྒྱས།།
རྫོགས་ལྡན་དུས་ལྟར་སྐྱེ་དགུ་དགེ་ཐོབ་ནས།།
བཅུ་དྲུག་ཆ་རྫོགས་མི་འགྱུར་བདེ་བ་ཆེ།།
རྣམ་ཀུན་མཆོག་ལྡན་ཨ་ཡིག་བཟང་མོ་དང།།
ཟུང་འཇུག་དུས་ཀྱི་འཁོར་ལོའི་གོ་འཕང་ལ།།
འགྲོ་བ་མ་ལུས་རེག་པ་ཐོབ་གྱུར་ཅིག།།
ཡེ་དྷརྨཱ་ཧེ་ཏུ་པྲ་བྷཱ་བཱ་ཧེ་ཏུནྟེཥཱན་ཏ་ཐཱ་ག་ཏོ་ཧྱ་བ་དད། ཏེ་ཥཱ་ཉྩ་ཡོ་ནི་རོ་དྷ་ཨེ་བཾ་པཱ་དཱི་མཧཱ་ཤྲ་མ་ཎཿ །། ཤུབྟམསྟུསརྦཛགཏཾ།།