[A:198b]rnams kyi yid kyis gzhi dag la phan pa'i bya ba byed 'gyur ram// byis pa ci dgar smra ba dag la ma yis bzhin du mkhas pas bzod mdzad de// khro ba med ldan 'dzum bar bcas pa'i bzhin gyis gsal zhing drang por smra ba yis// bsam pa dag ldan bdag dang skye bo gzhan dag la yang blo gros sbyin pa dang// dge 'dun rnams kyang rtse gcig gyur ba'i thugs kyis bdud kyi 'tshe ba zhi gyur cig// gang gis byin gyi brlabs las bdag ltas kyang// zab mo'i rgyu la ci dgar 'jug byed pa// thugs rje'i dbang gyur bla ma mchog rnams kyis// nyin bzhin bdag la gzigs bar mdzad gyur cig// bdud kyis dbang byas ma rungs sems can rnams// bsam pa 'thun (mthun )pas dge ba'i lam 'jug cing// mthu dang ldan pa'ie srungs ma dag gis kyang// 'gro ba 'di dag kun nas skyong gyur cig// srid dang srid par skye ba mchog gyur dam pa'i bshes gnyen gyis// nye bar gzung ste nyams pa med pa'i phun tshogs brtul zhugs dang// rtse gcig yid kyis de nyid bsgoms las rdo rje 'dzin pa'i thugs// ji lta ba bzhin mngon gyur 'gro la de nyid ston par shog// // dpal dus kyi 'khor lo'i rgyud kyi dka' 'grel snying po'i don rab tu gsal ba'i rgyan zhes bya ba 'di ni/ sgrub pa'i rgyal mtshan 'dzin pa rnams kyi rigs kyi bdag po dang/ rig pa'i gnas mtha' dag la ngag gi dbang phyug brnyes pa'i gsung gis nye bar bskul ba las/ yul byang phyogs kyi rgyud du byung ba'i dge slongachos smra ba gzhon nu dpal zhes bya bas bla ma dam pa rnams ki dring las ljang gi phur nyung ngur sbyar ba rdzogs so// // yi ge pa ni smon lam grags kyis bgyis pa las rgyal ba'i bstan pa rin po che yun du gnas par gyur cig// //
Carving Colophon, ff. 198b7-199a7
rgyal dbang gsung gi gsang ba'i dpyid kyi dpal//
rgyud sde'i dpag bsam kun gyi rtser son pa//
dus kyi 'khor lo'i gser gyi snye ma ni//
dri med 'od kyis yongs su smin byas kyang//
dka' phreng don zab