[A:16a] thogs pa byung gsung/ yar 'brog hyeng du chen po rtsa
yon
yin na'ang/ grub mtha'i phyogs zhen byas/ mkhan chen sangs rgyas dpal ba dang/ bde gshegs snying po'i cha la rtsod pa mdzad de/ rtsod yig grwa sa byin du 'grim/ gang rgyal ba de la gnyis ka 'jug dgos zer/ bstan pa dpang du gtsugs pa'i rtsod pa byed dgos byung pa la/ sang pa na re/ sems cad gyi rgyud kyi bde gshegs snying po dang/ de bzhin gshegs pa'i rgyud kyi bde gshegs snying po de gcig gam mi gcig zer/ dbyer med byas pas/ srab khas len med na/ mthur ltag rkon byed zer nas/ de gnyis gcig pa'am tha dad gang rung du thal/ dngos 'gal bar na phung gsum med pa'i phyir zer ba la/ bden pa gnyis der thal/ de'i phyir byas pas/ 'dod zer/ 'o na 'dod byas pas/ mthur ltag rkon e byung zer/ nged kyis gcig pa dang mi gcig pa gang du'ang khas ma blangs/ gsung ba sogs kyi rtsod yig bkod/ khong pa shin du pham par mdzad/ byang phyogs pa dpon yig nam mkha' bya ba'i lag nas yi ge blangs/ mgyogs par bris 'dug pas/ de 'phral hyeng ngu ba byon nas gtod/ yi ge de bzhog la da mdzod zer/ sang pa'ang/ de bzhog la da byed zer/ kho yon mchod gnyis 'tshabs byung pa la/ gdod nas rgyal ba rgyal ba'i snying po rgyal/ khyod smra rgyal po rgyal bar shes pa'ang rgyal/ rgyal po bde bar gnyid gcig log pa na/ pham po gnyid med 'gre log byed pa'ang mthong/ de lan de yin phyis cig lta'o zhes/ phyis kyang de yi yang phyis lta'o zhes/ pham pa phal cher tshig gi lhag