[A:19b] gnang ba sogs 'og nas kyang 'byung bas/ da dung sems khyod nor la rkam mam/ legs par sems la sbyin pa thong gsung nas/ gang la'ang chags pa med do/ 'ga' zhig la mi sbyin par mthong ba ni/ sbyin na skyon yod par dgongs pa yin/ las dang sgrib dang mngon gyur dang/ sog dang gnod byed mthong ba'i phyir/ byang chub sems dpa' rnams las ni/ sems can long spyod mi thob rjod/ ces thogs med kyis gsungs pa ltar ro/ mdo las blo gros yangs pa rnams la nor med dges 'gyur te/ dbul gyur nyid ni bla yis/ sdig spyod de lta min ces pa'o/ las la dbang te/ khams dang sa dang skye gnas dang/ 'gro ba dang gnas skabs gzhan du myong gyur gyi las gzhan du sgyur nus pa'i phyir te/ dper mtshon na chibs pa sing ni zer bas yod pa de shi/ kho'i drin lan 'jal dgos gsung nas/ cho ga mdzad pas zhag gsum song pa na/ kho rang byung nas/ drung nas bdag la thegs
bcu
'jigs pa las skyobs/ da rgan rgon gnyis kyi bu gyis zer na lags/ zhar byung la/ de la ma chags ngas bstan pa'i lam 'di la song gsung nas/ bka' bzhin du bsgrubs pas ngan song las thon pa yin/ da cho ga byed mi dgos par 'dug gsung/ gzhan yang gshin chog mdzad dus/ shi ba gsan tshad kyi cho ga mdzad la/ bar do'i sems can gzigs pa'i lo rgyus kyang yod do/ skye ba la dbang thob pa yin de/ rang dbang gis bde ba can du skye bar zhal gyi gzhes pa'i phyir/ mos pa la dbang ste/ skal pa dang ldan pa'i gdul bya la/ sku'i rnam pa du ma ston nus pa'i phyir/ de yang chos kyi rje byang chub rdo rje bas/ dus 'khor gyi dbang zhus dus/ dus 'khor lhan skyes su gzigs pa dang/ slob dpon chos rgyal bas kye'i rdo rje zhal gcig phyag gnyis par gzigs pa dang/ ston pa bsam bzangs shes kyi gshes dmar lha lnga mar gzigs pa dang/ dkar po rdo dar bya ba la gdon gyi