[A:28b] sogs dang / de'i zla ba brgyad pa la/ bdag la bka' lung du ma gnang/ nged kyang 'gyong par 'gro ba yin/ de'i nang nas phar la gdams ngag mang po yod/ thugs la zhog la bstan 'dzin mdzod cig dang/ ring por mi thogs zhi ba'i gnas thob 'gyur/ces sogs gsung la/ de dus sku tshe byin gyis brlabs pa'i gsol ba btab pa na/ da mi phan tshar gsung ngo/ rab byung mdzad pa'i yar lam khrom ser/ zhag gcig gzhugs pa'i gzims ther gyi shul na/ de ka'i rgya dang mnyam pa'i me tog khra chil le ba shar/ da dung dgun kyang de la me tog yong la de'i mthar/ mi dang mi ma yin gyi skor lam kyang chags yod zer/ des na byis pa'i lung bstan bzhin / sku skye gnyis kyi rtsa ba'i bla ma mdzad pa yin no/ bsnyen bsgrub rnam gzhis nyin mtshan dus bda' zhing/ dga' bzhi'i 'gros kyis sgrib gzhi'i bag chags bcom/ smin byed dbang bzhi'i sbyin pa phyogs bcur btang ngo/ sku gzhi mngon gyur chos rje'i zhabs la 'dud/ ces pa ni bsnyen bsgrub rnam pa bzhi ni/ ser bsdud bsam gtan gnyen pa'i yan lag/ srog rtsol dang/ 'dzin pa nye bar bsgrub pa/ rjes dran dang ting nge 'dzin ni bsgrub pa dang/ bsgrub pa chen po te yan lag drug gi rnal 'byor gyis nyin mtshan dus 'da' zhing/ de'i dbang gis dga' ba bzhi'i 'gros kyis/ sad pa dang rmi lam dang gnyid 'thug dang / bzhi pa te 'pho ba'i bag chags kyi sgrib pa bcom pas/ zhi bde 'gyur med kyi bde ba thob pa yin la/ de la gnas pa'i sgo nas/ gdul bya rang rang gi skal ba dang mtsham par/ dbang bzhi'i sbyin pa phyogs bcur btang ba ni/ nang gi dbang rigs drug gis bsdus pa'i sems can
thams cad
la gnang pa yang yin la/ dbang khral dang yon la ltos pa med par dpal dus kyi 'khor lo