[A:29b] mo dngos grub kyi mtshan ma'i lung bstan byung pa bzhin/ de nang mtshams 'ur 'don mdzad byon pa na/ me tog chen po gsum 'dug pa'i gnyis rje pa rang gis thob/ gcig mtshams g.yog pa bla ma sang rin bya ba la shos/ de nas rjes su bzung par grags zer/ drung rang du zhus dus/ thang ka la bris 'dug pa ni mang po mthong gsung pa las/ ches zab pa'i rnam thar ni/ shin tu sba ba la gtso bor mdzad pa'i phyir/ bdag la ni rjod rgyu med do/ sbyor drug chos drug lam 'bras ni gu dang/ rim lnga la sogs rdzogs rim zab dgu rnams/ sbas pa'i tshul gyis nyams len mthar phyin nas/ gzhan don gtso mdzad chos rje'i zhabs la 'dud/ de'ang nyams len mthar phyin pa'i tshul ni/ rim pas sngar rjod zin la/ gzhan don gtso bor mdzad pa ni/ sku tshe'i 'jug mya ngan las 'da' kha yan chad/ sbyor drug/ rim lnga lam 'bras/ na ro chos drug/ ni gu chos drug/ u rgyan bsnyen bsgrub/ bde mchog rim lnga/ dmar khrid/ ro snyoms/ ri chos/ lha khrid/ blo sbyong/ snying po don gsum/ phyag chen skor sogs ni rgyun chags su gsung la/ sbyor drug gi gdams pa zhu mi ni gnyis su longs pa yan chad la 'khor yug du gsung bas/ des grol tshul ni/ rdo rje lus kyi de nyid mthong ba dang/ zhung lnga'i kha dog mthong ba dang/ 'od gsal la rgya 'byams te zhal lnga drug tsam/ ting nge 'dzin re la mnyam par 'jog pa dang/ rtsig pa dang/ khang khyim la thogs med du 'gro ba dang/ dus gsum gyi rnam pa dngos sum du mthong ba dang/ chu la mi 'byin pa dang/ mes mi 'tshig pa dang/ rmi lam la rten nas sprul sgyur nus pa dang/ gtum mo la brten nas bde drod rang shugs kyis 'bar ba dang/ sgyu lus la rten nas dngos