[A:38b] sna tshogs pa 'phro ba dang/ bar mtshams su rin po che bsam 'phel lta bu'i dbyibs yod pa'i dar gyi lta ltam 'bab pa dang/ skabs re srin bal dngas ma rlung gis skyod pa lta bus nam mkha'i khams byin khyab la/ de'i bseb la lar/ me tog dang lha mo dang / nyi ma dang/ zla 'od 'phro pa bar dbus spras pa dang/ skabs re 'ja' tshon kha dog sna tshogs pa/ shin tu bkra ba dbyibs ra dung lta bu/ phyogs bzhi nas brgyud pa lta bu byung te/ de'i dus thag ring pa na yod pa rnams kyis gzims khang na zug par mthong pa byung/ skabs re na 'ja' 'od de lta bu phyogs mtshams thams cad nas zug pa ltar snang la/ brtags 'di la dpags na/ sku tshe bting ma/ bde ba can du nges pa med par/ zhing khams mtha' yas pa rnams su/ sku'i sprul pa mtha' yas pas/ gdul bya mtha' yas pa rnams kyi skal ba dang mtsham par/ gang lang gang 'dul gyi chos kyi 'khor lo bskor ba sogs phrin las mtha' yas pas sems can gyi don gsol ba ji ltar btab pa bzhin 'byung ba yin par go lags/ bde ba can du 'byon par 'dug gsungs pa 'di/ bde ba can gyi zhing gi yon tan la dgongs nas gsung ba ni 'di lta te/ zhing der mgon po 'od dpag tu med pa'i sras kyi thu bor 'gyur zhing/ der ma zad phyogs bcu'i sangs rgyas kyi zhing/ gang gA'i rlung gi bye ma snyed du/ bde bar gshegs pa rnams kyi sras kyi thu bo mdzad/ bsam gyis mi khyab pa'i rnam 'phrul rgya mtsho'i sprin gyis/ spro ba dang sdu ba'i tshul zab cing rgya che bas kun tu rol bar mdzad de/ rgyu mtshan/ phyogs bcu'i 'jig rten khams gzhugs pa/ dus gsum du ni mngon phyag 'tshal/ ces bshad pa dang/ rtag par ting nge 'dzin gyi bdud rtsi la rol bas kham zas la