[A:71]la 'khrungs te/ da ni dbus gtsang dag pa'i zhing du rings par phyin la chos grwa chen po rnams su dge ba'i bshes gnyen mtshan nyid dang ldan pa du ma las gsung rab rin po che rnams la legs par bslab par bya'o/ /snyam pa'i thugs kyi 'dun pa dbyar gyi chu bo bzhin du lhag par 'phel bar gyur to/ /
gnyis pa ni/ mkhas pa'i 'byung gnas bshad grwa du ma ru/ /mkhas mchog phul phyin rnams la legs par gtugs/ /mkhas mang dbus su mkhas pa'i go 'phang brnyes/ /mkhas kyang khengs pa kun bral khyod la 'dud/ /ces pa ste| de nas dgung lo bco lnga tsam gyi dus su/ dbus gtsang du phebs/ thog mar gdan sa chen po rtsertsed thang du bzhugs/ dge ba'i gshes gnyen shAkya bsod nams pa zhes bya ba dang / rtsesrtsed thang gi chen po dang / dus phyis gdan sa thilmthil gyi mkhan po mdzad pa'i mkhas pa chen po byang chub sems dpa' mkhar thog pa rgyal mtshan bzang po ba la sogs pa'i dge ba'i bshes gnyen chen po rnams la/ mngon par rtogs pa'i rgyan gyi 'grel pa 'grel bshad cha lag dang bcas pa rnams dang / rgyas pa'i bstan bcos tshad ma rnam 'grel mkhas pa nor bzang kyi Tika gtso bor byas pa'i sgros dang 'grel pa 'grel bshad de dag gi don bsdus pa bod kyi bsdus pa cha lag dang bcas pa la dang por sbyangs nas lung dang rigs pa'i dbang phyug chen por gyur cing / gzhan yang byams chos dang dbu ma rigs pa'i tshogs rnams la'ang legs par sbyangs pas mkhas pa'i dbang po du ma 'dus pa rnams kyi dbus su gzhung lugs kyi don la mi 'jigs pa'i spobs pa thob/ ring por ma thogs par rtsertsed