[A:18]byis pa'i dus su/ bsam grub chos sding pa'i bla ma chos bzang pa las bsnyen gnas kyi sdom pa thob/ shang bha ba'i bla ma bde legs pa la dus 'khor gyi sa ris zhus/ rong bde skyid gling pa sogs kyi bla ma mdzad pa'i khams pa tshe brtan par grags pa la/ sgrol ma nyi shu rtsa gcig gi bstod pa'i lung / chos rje gnas rnying dka' bcu pa nam mkha' byang chub pa la/ mtshan yang dag par brjod pa'i lung ste/ de ltar skya bo'i dus su/ chos phra rags thob pa'i yongs su 'dzin pa bcu phrag gcig go /de nas lo nyi shu'i steng du sleb ma thag pa/ 'brug lo hor zla dang po'i tshes bco lnga/ gso sbyong gi gaNDi mi yong tsam gyi gong du/ rab byung thob pa'i tshul rnams cung zad zhib par brjod na/ spyir rab byung gi bag chags gsal bar snga mo nas sad/ khyad par jo bo yab sras la mos pas/ chos 'khor du rab byung thob tu re yang gong du brjod pa ltar pha ma'i ched du bsam pas ring du 'gyangs mod/ yos lo ston / rnam gling pas/ thob rgyal ba'i mi sde chag pa'i zhor la pha ma yang 'thon pa dkon mchog gi thugs rje byung / de rting yang / rnam rgyal gling pa'i dpon po drung chen chos rgyal dpal bas ni/ spyir pha g.yog bu g.yog yin pa dang / dgos yon tan can gyi grags pa gsan pas/ ma mjal yang bdag tu bzung / pha mas kyang phyag rten btong du 'jug grab du ma byas na'ang / da lo'i dgun 'di dgon pa 'ug tshang du ngal gsos nas sdod pa yin/ zhes nan gyis gsung nas mjal ba'i gnang ba tsam yang ma byas par 'dzoms/ lan gcig pha rgan la bslu thabs e thub bsam nas lkog gcig tu 'khrid rnam gling pas ci ltar thugs rje bzung yang dpon yig dge 'dun bzang tsam gcig