[A:22]gzhung bzung / de rjes mdzod/ byams chos kyi bag chags shin tu gsal bar grags so/ /slob gnyer de dag gi ring la/ rgya ston rin po che'i drung du/ 'jigs byed/ dgra nag gdong drug bcom ldan chen po'i drung du/ kyai rdor/ gshed dmar/ 'khor chen rnams kyi dbang bskur zhus/ bsnyen rdzogs tshar ma thag pa'i spre'u lo'i dpyid/ slob dpon rin po che'i drung du/ gsang 'dus 'phags lugs kyi bskyed rdzogs zhus/ myong ba cung zad skyes/ grangs bsnyen rdzogs par bskyal/ ngo sprod du/ mdor byas/ mdo bsre/ rnam gzhag rim lnga/ spyod bsdus sngags rim/ rim lnga gsal sgron sogs/ dge ldan pa'i gsang 'dus kyi yig cha mtha' dag gi bshad pa thob/ zin bris tshig bcad du bsdus pa'ang byas te 'phral du gzigs 'phul bas skye ba phyis gda' chos rje rnam gsum gyi dus der skyes na/ 'tshengs 'dug ste zhes gsungs/ de bzhin du 'phral gyi lag len/ gar dang thig la sogs pa legs par bcad thig gi rnam gzhag zha lu ba dang / dge ldan pa gnyis ka la dgag bsgrub legs par pher ba shes so/ /lo de'i dbyar gnas la/ chos rje mkhyen rab dbang phyug grags pa bzang po dpon slob chos 'khor du phebs/ mjal ma thag pa nas/ dka' bcu par grags yod pas/ phyag len gnang / de ma thag nas thugs brtse bas bzung | chos gang gsung gi skyor 'go byas/ phar tshad 'dul ba/ mngon pa gong 'og rtsa 'jug bzhi gsum/ byams chos phyi ma bzhi rnams kyi 'grel pa dang bcas pa'i bshad pa thob/ tshad ma mdo'i TI ka che chung dang / tshad ma'i spyi don chen mo'i yi ge pa byas/ lo ngo gsum tsam gyi bar du phyag phyir 'brang/ blo bskyed