[A:25]yong khar skyel thung dang phyag len gnang / ngos lkog kun tu bsngags pa mchog tu gyur pa gnang ngo / /de bzhin du 'jam dbyangs chos rjes kyang / da lan gtsang nas rtsa ba'i bla ma'i bka' nan 'dug pas song la bshad sbyong nan che bar zhus/ slar yang dbus su cis kyang shog gsung pa dang / sde snod bzhi par ming 'dogs pa dang / thun mong dang thun mong ma yin pa'i zhal gdams gnang ba sogs kyis rjes su bzung zhing / 'bras spungs su phan du re ba yang mdzad ces kun la grags so/ /gsang phur bsdad pa'i dbyar der/ rong ston chen po shAkya rgyal mtshan yang phebs te tshogs pa kun la chos gsung ba'i 'bum TIka dang / me tog phreng rgyud kyi TIka'i stod thob/ mi g.yo ba dkar po'i rje gnang dang grwa skor gyi ston mthong dgyes bzhin du gnang ba dang / bstan pa'i khur bskur/ shin tu dgyes par mdzad de/ dbus su lo gnyis cung lhag bsdad pa'i ring la chos 'brel thob pa'i bla ma ni/ bstan 'dzin 'gran zla dang bral ba de gsum mo/ /de rjes gtsang du byang gling gi 'chad nyan gyi ring la'ang / chos rje byang sems chen po'i drung du/ sa sde lnga'i lung / bslab btus sgron gsal/ nyer mkho'i rgyud mang po'i lung / dus 'khor rtsa 'grel/ sbyor drug lam 'bras/ bde mchog gi 'khrid la sogs pa dal khoms nam byung gi tshe zhus shing / nyams len gyi gnad dang / zhal shes khyad par can rnams kyang mtshan mo'i cha la gnyid bcag nas thob/ me mo 'brug gi ston kha/ zha lur phyin/ mkhas pa'i mkhas pa chen po grub pa'i dbang phyug rin chen bsod nams 'phel gyi zhabs la gtugs tai/ dpal dus kyi 'khor lo'i bshad pa sogs zhus/ ston kha rgyud 'grel gyi bshad pa/ rgyu