[A:36]gsal ba dang / jo ngan du grags pa la 'dzoms pa rnams ming spel dang sbyar ba'i zung rgyan du byas pa tsam ste/ spros na yi ge mang bar 'gyur ro/ /mdor na/ lo nyi shu rtsa brgyad pa la/ gsang phur grwa skor byas 'phral nas bzungs te/ grogs dan 'chos mkhan mang du byung ba sogs mi tshe ril po las kha'i gtso bo mdo sngags kyi 'chad nyan 'ba' zhig nyin mtshan du byas pas/ rang gi blo gros 'phral du 'phel mod/ gzhan grub mtha' legs par 'dzin cing rnam thar skyong ba cher ma byung zhing / 'chad nyan gyi grags pa ma thob na'ang / dpon slob re 'khang can du song nas log sgrub byed pa ni mi gcig kyang med do/ /
gnyis pa ni/ zab yangs shes rab chu gter chen po las/ /legs bshad rin chen dbang gi rgyal po ni/ /thub bstan rgyal mtshan rtse mor legs bkod nas/ /dpal 'byor bzang po stsol la/ zhes pa ste/ byis pa'i dus nas tshigs bcad rtsom pa la shin tu rtse zhing / rje btsun 'jam dbyangs sogs la bstod pa gsol 'debs byas pa yod na'ang / btsun pa ma byas gong gi rnams 'thor 'dug spyir gsung rab kyi legs bshad snying por bsdu ba la shin tu spro zhing | yig mkhan gzhan la mi ltos/ rang la yang tshegs chen po mi dgos pas/ rtsom chos gzhan las mang tsam yod mod kyang / spyir bshad pa mang po dang / khyad par bya ba las kyi 'khor lo gtso bor byas shing / chos dpon dang / dbu mdzad kyi gzhi mthun ma byas na/ dge 'dun dang sbyin bdag thugs yid mi ches par| tshogs kyi chos spyod cho ga la gtso bor byas pas rtsom long med pa'i ngang la song ngo / /'on kyang skabs gang byung du brtson 'grus byas/ byang gi ri khrod