[A:3]dpal bzang po rang nyid kyis bsnan pa lta bu'am/ ming shin tu ring po dgos zhes zhus nas btags pa'i lo tsA ba mchog ldan gyi mtshan lta bu yin no/ /rin thang med ces pa/ thugs rje chen po rin po che'i gzugs su byas nas/ rin thang tshad med pa'i don yin na'ang / dgag tshig la 'khril nas rin thang gtan med pa lta bu'i snang ba 'char na/ rin thang gzhal med thugs rje can/ /zhes brjod na'ang rung zhing / rin thang gzhal du med/ /sogs brjod na/ shes shes zhes dang | rin rin zhes sogs zlos 'khrid kyi rgyan nyams par 'gyur bas mi bya'o// rgyal ba'i ring lugs ni/ de'i bstan pa'am/ rnam thar gyi ming ngo /
gnyis pa la/ yon tan gyi gtso bo spyir bstan/ yon tan gyi khyad par so sor bshad pa'o/ /
dang po ni/ 'di dang gtan gyi sogs te/ tshe 'di'i dal 'byor gyi lus mchog gang la ragsrag las pa pha ma dang / gtan gyi phan bde kun gang la rag las pa bla ma ste/ de dag legs par dgyes pa'i slad du/ rang gi 'phral gyi bde ba thams cad dor zhing blos btang nas tshe stod la pha ma dang/ tshe smad la bla ma'i bzhed don thams cad nan gyis sgrub par mdzad pa ste bya ba de 'ba' zhig la mi tshe bskyal bas na mdzad pa rgyun mi 'chad pa'o/ /'di ni kho bo'i tshe 'di la ldan pa'i yon tan gyi nang nas mchog dang gtso bo yin te/ spyir rang don dor nas gzhan don sgrub par mdzad pa ni/ theg pa chen po'i lam gyi mthar thug dman pas sgrub mi nus pa yin la/ khyad par pha ma dang bla ma la bya ba byed pa ni/ rgyal bas 'jig rten lugs kyi bstan bcos nas/ rnal 'byor chen po'i