[A:4]rgyud kyi bar du/ lan gcig min par bsngags pa'i phyir te/ rgyal bas mdo sde nas gsung pa'i don / dpal mgon klu sgrub kyis bshes spring du/ gang la pha dang ma dag mchod byed pa'i/ /rigs de tshangs bcas slob dpon bcas pa'ang lags| |de dag la mchod grags par 'gyur ba dang / /slad ma la yang mtho ris 'gyur ba lags zhes dang / rin chen 'phreng bar/ pha ma srid zhu lhur len dang | |rigs kyi gtso la rim gro dang / /longs spyod legs spyad bzod gtong dang | |tshig 'jam phra ma med bden pa'i/ /brtul zhugs tshe gcig byas pa des| |lha yi dbang po nyid thob nas/ /da dung du yang lha dbang bgyid/ /zhes dang | mkhas mchog dpa' bos/ kun rdzob byang chub kyi sems sgom pa'i man ngag pad ma spungs pa zhes bya bar/ pha dang ma la rab gus shing / /rgan la rim gro byed pa sogs/ /mi yi chos lugs legs bsrung ba/ /'di ni ya rabs spyod pa yin/ /zhes sogs mang du gsungs shing / pha ma la gnod pa byas pa'i 'bras bu 'phral du 'byung ba mdza' bo'i bu mo'i rtogs brjod sogs rgya cher 'byung mod/ yi ge mang du dogs pas mi spro'o/ /de bzhin du rgyud du ma las/ mchod pa thams bcad yongs spangs nas/ /bla ma mchod pa yang dag brtsams/ /zhes gsungs pa dang / dpal mgon klu sgrub kyis/ rim lngar rgyas par gsungs shing | chos rje pas/ lha dang 'byung po la sogs kyi/ /mchod pa thams cad rnam spangs nas// bla ma mchod par bya'o zhes/ /rab 'byams zhing na bzhugs pa yi/ /sangs rgyas kun gyis mthun par gsungs/ /zhes dang / mgon po gang la mnyes gyur na/ / gal te bla na med pa yi/ /byang chub thob kyang de dor te/ /skye zhing skye ba thams