[A:57]legs par grub/ dge 'dun gsar bu bdun cu skor 'du ba'i bla nas phogs sbyor 'jags dang gur brtag sam bhu Ti sogs kyi 'chad nyan smar ba byung / rnam rgyal zhes pa chu mo sbrul gyi lo thugs sras rnams kyi thu bo brag nag mkhas grub nam mkha' rgyal mtshan dpal bzang po gtso bor gyur pa'i gdul bya rnams la rwa 'bro dgongs pa gcig tu gril ba'i rgyud 'grel gyi bshad pa dang / dus 'khor gyi byis pa 'jug pa'i dbang nas brtsams te dbang bzhi yongs su rdzogs pa bstsal/ dus 'khor gyi dkyil thang dang / rnam rgyal bum pa/ rje rang gi phyag dril sogs dbang rdzas rnams gnang ste/ chos 'khor sgang gi bstan pa bka' gdams kyi bstan pa'i rigs rtsod ldan snyigs ma'i yang snyigs mar gyur pa dang | lo chen thams cad mkhyen pa'i dgong gtad ltar gnas tshad ring ba zhig dka' bas/ drung pa khyed rang la dus 'khor gyi bka' babs pa yin pas dkyil 'khor yong rdzogs kyi cho ga dang / rgyud 'grel gyi bshad thabs sogs gting tshugs pa dgongs par bzhes pa'i khur bskyed mdzod gsungs/ sbyor ba yan lag drug gi khrid rje rang gi yig cha'i thog nas khrid rim rgyas bshad dang bcas pa mdzad/ deng sang gi bar du brag nag tu rje stag tshang pa lugs kyi dus 'khor dang | gsang 'dus 'jam pa'i rdo rje'i dkyil 'khor yongs rdzogs kyi cho ga dar zhing rgyas pa'o/ /chos 'khor sgang pa dang rta nag dge sbyong dkar po/ bkra shis sding pa sogs dang snga sor nas mchod yon 'brel lam legs pas chos dbar 'degs bzhin pa dang / nged dang khri thog tu 'khod nas rgyal tshab chos kyi dpal 'byor rab tu byung ba yin pa nas thams cad dang 'brel rgyud gus zhen che bas/