[A:117]su| nub chos lung gi mkhan chen grags pa tshul khrims pa de/ bdag chen des rdzong khar spyan drangs te bka' lung man ngag mang du gsan pa rnams lhan cig tu gsan| khyad par dpon slob gnyis kas sbyor ba yan lag drug pa la rtsal du bton| slar yang chos lung rang du'ang dpon slob lhan cig phebs nas/ chos bka' du ma dang / sbyor drug skyar nas gsan pa'i tshe/ sor bsam gyi rtogs pa khyad par can 'khrungs/ de dus/ bdag po 'jam dbyangs pas steng du mun khang mdzad| rje 'di dang / bla ma brtson she ba zhes bya ba sbyor drug gi rtogs pa legs po yod pa gcig gnyis thabs gcig tu 'og tu mun khang phan tshun du bzhugs pa na/ gnyis kas/ drung bdag po ba steng na mnal du song ma song dang sku'i tshugs ji ltar 'dug la sogs mnyam du gzigs pas/ bla ma brtson she ba de mnyes nas/ da khyod la mtshan nyid kyi slob gnyer byed pa'i 'dun pa gcig yod pa 'dra ste/ thugs dam khyad par can 'dug pa 'di ka byas na legs so zhes zer ba la sogs byung na'ang / thog mar/ tshul gnas thos dang bsam ldan pas| sgom pa la ni rab tu sbyor/ /zhes dang / bzod bya thos pa rtsal bar bya// de nas nags su 'gro bar bya/ /mi sdug la sogs sgom bya zhing / /zhes sogs kyi bstan pa'i 'jug rim dang / /dang por 'di na thos pa la rten yid la byed pa 'byung | tshul bzhin yid la byed pas yang dag don yul ye shes 'byung / zhes sogs dang / zla ba sgron me'i mdor/ thos pas chos rnams shes par 'gyur// thos pa'i sdig las bzlog par byed/ /thos pas don ma yin pa spong / /thos pas rnam par grol ba thob/ /ces sogs gsungs pa'i thos pa'i phan yon