[A:120]dpal la 'gran bzod par/ mkhan chen grags pa bshes gnyen pa dang / gsang ste ston pa'i slob dpon/ 'od bsrungs chen po dang tshul mtshungs pa'i mnyam med rgyal ba bzang po pa dang / grib tshod pa/ dbu mdzad dge ba'i bshes gnyen bkra shis bsod nams/ grogs dan pa/ dbu mdzad mkhas btsun bsod nams byang chub/ gzhan yang bslab gsum mig 'bras ltar 'dzin pa'i dge 'dun bcu gcig gi dbus su glang mda' mdzo bzang zhes bya bar/ bdag po chen po 'jam dbyangs chos rgyal ba bsnyen par rdzogs pa mdzad par gzigs pas dngos kyi rkyen dang / spyir/ dang po nyid nas sangs rgyas kyi bstan pa la zhugs la yongs su rdzogs pa gcig ma byung ba/ bsnyen par ma rdzogs pa rnams ni ji ltar yon tan che yang / byis pa mig mchi mas gang pa dang 'dra bar bstan pa 'dzin mi nus par gzigs pa rnams thugs la lci bar yod pas rgyu byas te/ bdag chen de dang lhan cig/mkhan slob khyad par can/ spyir/ paN chen shwakya shrI'i bslab rgyud/ khyad par/ bu ston chos kyi rgyal po dang / twishri chen po kun dga' blo gros dang / chos rje dpal ldan bla ma dam pa la sogs pa bstan 'dzin chen po'i chen po rnams kyis sdom pa nod pa'i mkhan brgyud/ dge ba'i bshes gnyen dgra bcom 'dus pa lta bu de'i dbus su/ tshes de'i phyi ro/ grib tshod rkang pa gcig pa'i dus su/ sangs rgyas kyi bstan pa rin po che la zhugs la bsnyen par rdzogs pa'i sdom pa rnam par dag pa blangs te/ tshangs spyod yongs su rdzogs pa'i gnas la dbugs phyin pa thob pas/ 'dzam gling byang phyogs kyi ngur smrig 'dzin pa'i gtsug rgyan du gyur te/ snyan pa'i ba dan tshangs pa'i 'jig rten