[A:141]gdan sa pa yin pas so snyam pa lta bu'i zhen pas ma yin par/ yon tan mthong pa dang thos pas yid phrogs pa'i dad pa kho nas zhabs kyi pad mo cod pan gyi ze 'brus blangs te/ gdam ngag nod pa dang bka' nyan pa dang / gsung sgrub pa la sogs pas mnyes par byas so/ /de'i dus na dbus gtsang gi dpal 'byor chab srid 'dran zla dang bral ba'i gong ma grags pa rgya mtshan gyis kyang / bdag nyid chen po 'di dge 'dun gyi sde dang bcas pa/ yar lung sne sdong du spyan 'dren pa'i pho nya ba byung na'ang / dgon par chos tshugs nyams pa sogs byung dogs pa dang | gzhan gyi rnyed bkur thams cad kyang chos kyi bar chad kho nar snang ngo snyam du dgongs nas ma byon no/ /mdor na/ bla ma dam pa 'di'i rnam par thar pa tha mal pa la gnang ba rnams kyi don mdor bsdus na/ las 'bras la yid ches pa'i dad pa phul du byung bas spyir dkar nag gi las 'bras phra zhing phra ba la yang gzhon nu nyid nas blang dor mdzad pa dang / khyad par/ bla ma dang dkon mchog la yid ches pa'i dad pas dge ba'i bshes gnyen mnyes par byed tshul gyi kun spyod 'di las lhag pa'i dge bshes med par grags te/ chen pos lo chen| mi gzhan la thugs bas 'khrungs pa na yang / rje 'di bos nas tshogs gyi dbus su bka' skyon ri nyil ba tsam gnang yang / gnong med pa la dag tshangs tsam yang zhu mi nus par thugs mad lags zhes pa'i zhal thon dang / phyag thal mo sbyar ba 'ba' zhig gi ngag bka' skyaun gsan cing / lkog du bden yus kyi gsungs 'byon pa tsam yang sus kyang ma mthong zhes kun la grags te/ rnam par 'di gcig pu yang skye ba lnga rgyar sgrubs kyang mi 'grub bo/ /srid pa mtha' dag