[A:140]ma la babs te/ tshogs nas blo bur du bzhugs gdan khri khar 'degs pa'i slus thabs mdzad do/ /chos kyi seng ge'i khri la bzhugs su gsol nas/ lo chen chos kyi rgyal po'i chos kyi rgyal srid thams cad/ rgyal ba de'i sras kyi thu bo dam pa| rje 'di nyid kyi'ang slob mar gyur pa'i rgyal sras sems dpa' chen po la gtad nas/ gzims khang du sku 'tshams bug sgo shin du dam par mdzad de/ nang du yang dag 'jog la lhag par bzhugs shing / de'i ngang nas gnas brtan lha khang dang mgon khang gi bzhug tshags la sogs pa rnams dang / dge ba'i bshes gnyen rnams la bkur sti gnang sbyin/ dge 'dun mtha' dag la chos dang zang zing gi skyong dar mtha' yas pa mdzad do/ /de ltar/ rmad byung mdzad pa kun gyis yid phrogs nas/ /gangs ri'i khraud kyi mkhas pa'i mkhas pa dang // chen po'i chen po kun gyis gang gi zhabs// gus pas spyi bor blangs pa de la 'dud| |ces pa ni/ mkhas pa'i mkhas pa chen po kun mkhyen chen pos kyang / dka' gdams glegs bam gyi lung gsan no zhes khungs mar byas pa gcig la thos shing / thams cad mkhyen pa rong chen dang / /byang chub sems dpa' gzhon nu rgyal mchog pa dang / sems dpa' chen po bsod nams shes rab dang / gnarsnar thang pa mkhan chen grub pa shes rab pa la sogs pas kyang gus pas chos gsan/ chen po'i chen po/ bdag po nam mkha' legs pa'i blo gros rgya mtshan dpal bzang po ba dpon slaub rnams dang / rta'i si tu bsod nams dpal ba dang / rin spungs nam mkha' rgyal po ba yab sras la sogs pa rnams kyis kyang / rang gi phyogs su gtogs pas snyoms pa'am/ bla ma de'i