R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 6a

Last Page »

[A:6a]bya thams cad kyi rnam par shar ba'i sgyu ma'i sku kun rdzob pa'i bden pa rnam pa kun gyi mchog dang ldan pa'i yul stong ba nyid ro mnyam par gcig tu gyur nas dbyer mi phyed
pa nyid de/ de la ni mchog gi dang po'i sangs rgyas dang / ris med pa/ dus kyi 'khor lo/ bcom ldan 'das rdo rje sems dpa'/ gsang ba 'dus pa/ kyai rdo rje/ dpal he ru ka lhan cig skyes pa'i sku
mi slob pa'i zung 'jug rdo rje 'chang chen po zhes pa'o// de ni slan chad bag chags kyi rten mi byed pas gtsang ba dang / bdag dang bdag med pa'i spros pa nye bar zhi bas dam pa'i bdag dang / yid kyi rang bzhin gyi
lus spangs shing ma rig pa bag chags kyis log pas shes bya thams cad gnyis su med par gzigs te gzhan dbang du ma gyur pas bde ba dang / rnam mkhyen skad cig dang po de nyid las nam mkha' ji srid
bar snga phyi'i rnam 'gyur mi 'dra ba med pas rtag pa'i pha rol tu son pa ste pha rol tu phyin pa bzhi dang ldan la/ bag chags dang bcas pa'i glo bur gyi dri ma mtha' dag spangs pa'i spong ba chen po dang / sgyu ma dang
rmi lam dang dri za'i grong khyer dang pra phab pa la sogs pa bzhin du ma brtags par shes bya'i chos ma lus pa mngon sum du gzigs pa'i rtogs pa chen po dang / 'gro ba mtha' dag gi don nam mkha' ji srid