R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 62b

Last Page »

[A:62b]kho mo o rgyan du 'gro zhes sgra 'od dang / sa g.yo ba la sogs pa'i ltas dang bcas te mkha' spyod du gshegs/ lcam lakShmIM ka ra'i sprul par grags so// // 7 grub thob se mo che ba/ gnyis pa sras grub thob
se mo che ba ni/ ljags mi bde yang chung ngu'i dus nas klog ma bslabs par mkhyen/ yab la dbang rgyud bshad gdams ngag dang bcas pa thob cing / sprul sku jo 'bum las kyang 'grel chung padma
can dang / sgrub thabs man ngag phran mang po thob/ slar yang mkhas pa nam mkha' 'od las rgyud 'grel gyi gzab bshad dang / yu mo'i bstan bcos 'ga' zhig dang / yab kyis mdzad
pa'i ro bcud stong thun la sogs pa dang / 'bro lugs kyi gsung sgros 'od zer phreng ba dang / jo btsun khyung gis mdzad pa'i dri med rgyan rnams gsan cing / de dag kyang lan re la thugs su chud la/ mi
brjed pa'i gzungs thob/ rab tu byung ba'i mtshan nam mkha' rgyal mtshan zhes btags/ bla ma gye ra ba dang rtse gdong ba sogs la chos drug phyag chen bde mchog sogs gsan/ rdo rje'i rnal
'byor la thugs dam snying por mdzad pas gang snang stong gzugs kho nar shar la/ mngon par mkhyen pa thogs med du mnga'/ gzhan gyi sems shes pa'i mngon shes 'dzem med du gsungs