R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 78b

Last Page »

[A:78b]nas 'jig rten gyi khams mang po'i bar do'i sems can tshad med pa bsgral/ sangs rgyas kyi zhing mang po bltas shing / bde ba can dang / dga' ldan dang / shambha lar yang phyin/ bde ba can na rin
po che'i padmo kha bye ba sogs skye sgo mang po gda' yang / mtshan nyid kyi dus nas byams pa'i drung du sgro 'dogs gcad snyam nas 'dug pa drag pos rten 'brel bsgrigs shing / khro phu ba dang dpon slob
thams cad rten 'brel 'grig pa cig byung bas/ nga 'di nas bar do rigs mthun du byas nas sems can dpag tu med pa bsgral/ de nas dga' ldan du 'gro gsung nas byang sems pa gdan sar
bskos/ byang sems sku khams 'khrugs pa na/ nga 'gro ba'i tshes yin te/ nga song na de'i rkyen gyis khyed kyang 'grongs par 'dug pas/ khams sos kyi bar du ngas bsdad do// gsung nas zhag
nyi shu lhag tu nyin re bzhin chos zab mo'i 'bel gtam mdzad/ don gcig pa chu glang dpyid 'bring nyi shu lnga'i tho rangs byang sems pa la rdo rje slob dpon du dbang bsgyur ba'i cho gas rdo rje dril bu gnang nas/
khyed kyi khams ni sor chud 'dug da nga 'gro ba yin/ ro 'di shi ma thag bsregs kyang chog nga ro'i nang du 'od gsal bsgoms zhing bsdod bya ba'i lugs min/ kun spangs kyi bya ba mthar phyin/