R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 93b

Last Page »

[A:93b]to// // kun spangs chos grags dpal bzang po/ kun spangs chos grags dpal bzang po ni/ 'jam dbyangs 'khon ston pa la dus 'khor 'bro lugs kyi dbang dang rgyud kyi lung zhus/ mkhas btsun yon tan rgya mtsho lo lnga'i bar du 'bral med du
bsten nas/ dbang dang sems 'grel skor gsum man ngag dang bcas pa gsan/ dpang lo la sgra sna sdebs sbyor mngon brjod sogs tha snyad kyi gtsug lag mang po dang bka' bstan bcos mang po gsan rjes/
dbang gis rgyud 'brel rgya dpe'i steng nas gsungs/ rje 'dis shod 'gyur bkram nas 'gyur mi bcos su mi rung ba rnams la zhu chen zhu zhing bod dpe la mchan du yang btab/ bskul ba po mdzad nas dbang gis rdo
rje snying 'grel dang / nA ro 'grel chen gnyis dang / dpe med 'tsho'i sbyor drug rtse 'grel gyi 'gyur bcos grub cing gsan/ kun mkhyen chen po la dbang man ngag rgyud bshad tshar bzhi/ gzhan yang chos
mang du gsan pas/ nges pa'i don gyi bka' dang bstan bcos kyi don tshul bzhin du rtogs pa ni 'di nyid kyi bka' drin kho na yin gsung / bu ston rin po che la yang gsan pa rgya cher mdzad/ lo tsA yang mkhas
par mkhyen pas/ 'jam dpal lta 'dod mdor bstan bzhi 'gyur yang mdzad do// // sa bzang ma ti paN chen/ sa bzang ma ti paN chen ni/ mtshan blo gros rgyal mtshan dpal bzang po zhes pa mkhas grub chen po zhig go/