R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 100a

Last Page »

[A:100a]theg pa chen po'i rigs la gnas pas gzhan dang kha 'thab tsam yang mdzad ma myong / sku na phra ba nyid nas yab mes kyi chos brtag gnyis rngog lugs/ phur pa rta mgrin
bla ma sogs bka' gter gyi chos mang po gsan/ de nas rtse thang du chen po chos seng ba dang slob dpon 'od zer dpal ba la phar tshad lo chen byang rtse la rgyud bshad tshar phyed dang gnyis/ lo tsA ba
nam mkha' bzang bo la tshar gnyis/ chos rje phyogs pa la dbang yongs su rdzogs pa/ rgyud bshad tshar gnyis/ sbyor drug dang bsnyen sgrub rtogs ldan sngo nyal ma la rgyud 'grel phyogs mchan/ chos
'khor gling pa 'jam dkar la don dam bsnyen pa dang lta 'dod mdor bstan/ zhang ston rgya bo la rgyud 'grel kun mkhyen chen po'i mchan dang bcas pa/ ri ston blo chen 'od la rgyud 'grel lo grags pa'i
'gyur dang / nA ro pa'i dbang mdor bstan gyi 'grel pa gsan/ kun mkhyen chen po lha sar phebs dus bsnyen par rdzogs/ chos phran 'ga' yang gsan/ de rnams las phyogs las rnam rgyal ba'i
lugs nyid gtso bor mdzad/ de nas sgrub pa la zhugs te yan lag drug gi rnal 'byor lhur blangs pa'i tshe sku lus mes bsregs pa 'dra ba'i bsnyun gyis lo dgur bsnyung yang thugs dam ma chag