R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

  • Pagination (Witness A): 125b
[A:125b]gdan sar bzhugs te/ sde snod 'dzin pa rgya mtsho lta bu la/ dka' chen bzhi rgyas par gsungs pas 'dus pa thams cad ngo mtshar du 'dzin/ bcu drug pa la dpal kun tu bzang po'i nags khrod du 'jigs pa med pa sengge'i khri la
lha dang bcas pa yongs kyis bzhugs su gsol te/ bka' rgyud kyi bla khab kyis phyogs kun tu khyab par mdzad/ nyer lnga pa la slob dpon ye shes rgya mtsho ba la/ dus 'khor yo ga sogs kyi dbang mnos/
dpal kun bzang rtse bas phyag len rnams phul/ nyer drug pa la chos rje na ma pa la sbyor drug rgyud 'grel rdo rje phreng ba mi tra brgya rtsa sogs dbang rjes gnang / gzhung khrid man ngag rje de nyid la mnga' ba phal
che ba gsan/ so gcig pa la thams cad mkhyen pa 'gos lo tsA ba la sems 'grel skor phran dang bcas pa sogs gsang sngags gsar rnying gi dbang khrid gzhung bshad mang po dang / sde snod kyi bshad pa mang du gsan/ sgra snyan rtsis
sogs rig pa'i gnas phra mo rnams la yang rab tu byang bar gyur/ so bzhi pa la 'gos lo tsA ba/ chos rje nam pa/ mkhan chen 'gro bzang rnams la mkhan slob zhus te bsnyen par rdzogs/ 'gro bzang
sakya research centre 2011-2025 | Log in