R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 126a

Last Page »

[A:126a]pa la lung sde bzhi gsan/ so brgyad pa la zhwa dmar cod pan 'dzin pa la karma pa'i chos skor mtha' dag gsan/ mngon par rtogs pa'i yon tan dang ldan/ ye shes kyi mgon po rnams
kyis bka' bzhin sgrub/ zhe gnyis pa la sne sdong rtser phebs te khrims gnyis kyi sgo nas bstan pa gsal bar mdzad nas/ nga gsum pa lcags mo phag gi zla ba drug pa'i tshes gnyis la me tog gi char dang bcas te
dga' ldan du gshegs so// rgyal dbang chos rje kun dga' dpal 'byor/ rgyal dbang chos rje kun dga' dpal 'byor ni/ gtsang ba rgyal sras kyi sku skyer grags/ 'brug dang ra lung du bzhugs nas sgrub rgyud kyi bdag po mdzad/ sne gdong rtser paN chen nags
kyi rin chen la sbyor drug dang / yid bzang rtser 'gos lo tsA ba la rgyud 'grel gsan cing sbyangs/ slad du sgam po'i gdan sar bzhugs pa'i tshe/ 'on smon thang du phebs te 'gos lo tsA ba la dbang mdor
bstan/ sgron gsal/ rgyud bla rnams gsan/ sa stod smad thams cad du byon te 'gro phan rgya cher mdzad do// dpal kun bzang rtse ba/ dpal kun bzang rtse ba ni/ sngags 'chang rin chen rnam rgyal gyi sras su me mo bya la 'khrungs/ gdung zi