R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 155a

Last Page »

[A:155a]de zhus pa rmis// rmi lam bag chags cig yin kyang ngo mtshar che// zhes gsungs/ bsam yas su sku gshegs pa'i tshe gtsug tor mngon par 'phags pa las byang chub kyi sems dkar po bum
pa gang ba tsam lhud kyi byung zhes grag go/ yar klungs pa chos kyi rgyal mtshan pa/ de'i slob ma yar klungs pa chos kyi rgyal mtshan pa ni/ dge slong byang sems rdo rje 'dzin pa chen po/ dka' chen bzhi sogs sde snod mtha' dag la legs par
sbyangs/ rgyud sde rgya mtsho'i pha rol tu son/ khyad par du dbang chen chos kyi dpal ba/ ngag dbang grags pa/ zhang ston rgya bo gsum ga la dbang rgyud bshad man ngag mtha' dag dang / rin tshul ba la sbyor drug
gsan cing grub nas/ bsam yas kyi dben gsan 'od gsal dpal gyi bde chen du 'phrin las bskyangs pas chos rje bsam yas par grags/ de'i slob ma 'khrul zhig pa ste rong lugs so// grub chen man lung gu ru/ grub
chen man lung gu ru ni/ man lungs pa dran ston mtha' gral zhes pa gzhung lugs du ma la sbyangs pa mngon shes can des dran ston shes rab sengge la gsungs pa/ nub phyogs nas bud med