R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 170a

Last Page »

[A:170a]bya rgyud kyi dkyil 'khor sum cu lhag gi lha 'bum mdzad nas ri mor bris/ ri phug tu dus 'khor gyi sku rin po che las grub pa sogs sku mang po dang bka' 'gyur dang / bod kyi bstan
bcos kyang phal mo che bzhengs/ rgya gar/ rgya nag bal po/ hor/ yu gur/ sog po/ 'ga'/ dbus gtsang mnga' ris khams kyi slob ma grangs med pa smin grol du mdzad/
'jam dbyangs don yod rgyal mtshan sku mched/ bsod nams blo gros sku mched/ chos lung mkhan chen bsod nams grags/ gu shrI chos grags dpal bzang po/ lo tsA ba blo gros dpal sogs mkhas btsun gyi
slob ma mang du 'dus/ dka' chen bzhi/ dbu spyod rnams kyi tshig don la mkhas pa'i ston pa dang / 'phags yog dus gsum/ gur brtag sam gsum/ lo nag dril gsum/ sgyu thod gdan
gsum/ dmar nag 'jig gsum sogs la mkhas pa'i phyi nang gi rdo rje slob dpon pher ba dang / bskyed rdzogs la brtan pa thob pa'i rnal 'byor pa dang / ku sa li la sogs pa'i slob ma grangs kyis mi lang pa