R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 217b

Last Page »

[A:217b]gsol/ 'khrungs ma thag nas mkhyen pa'i gting mi dpogs pa'i tshul gyis thogs pa med par chos gsungs shing mngon par mkhyen pas dus gsum lung ston/ dgung lo bcu pa la gu shrI dpal 'byor don grub
las dge bsnyen mnos/ mtshan chos kyi grags pa ye shes dpal bzang por gsol/ de la dbang khrid lung mang du gsan/ bcu gcig pa la zur mangs dgon par karma pa dang mjal/ gu shrI bas
mkhan po/ ban dkar bas slob dpon mdzad de rab tu byung / ban dkar ba la gsang 'dus dang lnga tshan sogs gsan/ bcu gnyis pa la dga' ldan ma mor phebs/ bco lnga pa la slob dpon
bla ma rgyal mtshan rkong por gdan drangs nas rdo rje phreng ba la sogs pa'i dbang khrid lung mang po dang / khyad par nag pa'i zla ba la dus kyi 'khor lo'i dbang mnos pa'i tshe mar me'i phreng ba zhag mang du 'bar
ba byung / rgyud 'grel man ngag dang bcas pa gsan/ bco brgyad pa la slar yang mdo khams nas zi ling mkhar gyi bar du thegs nas sems can grangs med pa 'khor ba mtha' can du mdzad/ de nas hor yul