R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 26a

Last Page »

[A:26a]gyi khang ba de nyid dang / ma la ya'i skyed mos tshal mthong ba dang / ya mtshan thob nas e ma'o 'di ni ngo mtshar che ste/ bdag cag rab tu ma sad par nags tshal chen po nas dkyil 'khor
gyi khang pa chen po 'dir su zhig gis khyer te 'ongs zhes tshig smras so// tshig de rgyal po grags pa'i blon po byang chub sems dpa' don 'dod blo'i sprul pa'i sku rgya mtsho'i blo gros kyis thos nas smras
pa/ kye nyi ma'i shing rta la sogs pa drang srong rnams 'di la ya mtshan par ma byed cig mi'i bdag po grags pa 'di ni phyogs re ba ma yin gyi/ khyed rnams rjes su bzung ba'i don du sangs rgyas
kyi byin brlabs kyis byung ba'i byang chub sems dpa' chen po 'jam dpal yin no// de'i phyir 'di'i zhabs kyi padmo la skyabs su song la/ rgyud kyi rgyal po dang po'i sangs rgyas su 'jig rten dang 'jig rten las
'das pa'i dngos grub sgrub pa'i lam dbang bskur bar gsol ba thob cig ces smras pa dang / sangs rgyas kyi byin gyis brlabs kyi drang srong rnams kyis smras pa/ legs so legs so//
blon po chen po rgya mtsho'i blo gros khyod kyi tshig gis bdag cag gi sems rab tu sad par gyur pas/ da ni dkon mchog gsum la skyabs su song ste/ sems can mtha' dag gi don du skye ba 'di nyid