R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 29b

Last Page »

[A:29b]rdzogs/ rnam rgyal rgyal sar bskos pa dang / 'phags pa thogs med byon pa dus mnyam/ rigs ldan khyab 'jug sbas pas kha che'i yul du byon nas rdzu 'phrul sna tshogs pa bstan te rdo ring
btsugs shing slob ma 'ga' la phag mo'i sgrub thabs kyang gnang / rigs ldan 'di rgyal sar bskos nas lo lnga bcu rtsa gcig na/ lha min dang klu'i rigs las skyes pa'i kla klo stag gzig gi rgyal
po'am ston pa ardo byung nas/ des rahma Na'i 'jug pa lha ma yin gyi chos brtsams pa mi dge ba'i bsam pas skye bo rnams la ston par byed de/ kla klo'i lo stong brgyad brgya 'byung ba'i thog ma'o// de
nas rim gyis kla klo'i ston pa a no gha dang / phag ldan dang / byi ba dang / dbang po dang / gos dkar can rnams byung / rigs ldan rgya mtsho rnam rgyal rgyal sar bskos pa'i tshe/ 'phags pa'i
yul gyi nub phyogs kyi cha shas mkha'i yul lam/ tu rushka ste sog po'i yul tri Di zhes pa grong bye bas brgyan par/ pA ga da la sogs pa'i grong khyer du kla klo'i ston pa'am rje bo ma dhu ma ti zhes pa/
mngar ldan nam sbrang rtsi'i blo gros byung ste/ de ni bu smad dang bcas pa gos dkar po 'ba' zhig gyon pa/ ral pa'i do ker can/ rnga mo dang / rta dang / ba lang bsad nas khrag dang bcas pa'i sha cung zad