R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 31a

Last Page »

[A:31a]nas lo lnga bcu lhag bzhes pa des/ kla klo rnams thabs la mkhas pas gzhom pa'i ched du rang nyid nyi ma lta bu'i gzi brjid 'bar zhing rab tu khros 'khrugs 'jigs su
rung ba'i tshul gyis rdo'i rta la bcibs shing rab tu sra ba'i go bgos te phyag na mdung thung bsnams nas dgra mtha' dag la bsnun pas phye mar 'thag pa'i tshul mdzad/ rgyal phran dgu bcu rtsa drug dang dmag
dpon ha nu man dang / dmag dpon gnyis pa drag po zhes pa sogs rlung gi shugs can gyi rdo'i rta kha dog sna tshogs pa la gzhon pa'i rta ba bye ba dgu dang / chang gis dregs pa'i glang po che 'bum phrag
bzhi dang / gser gyis brgyan pa'i shing rta 'bum phrag lnga dang / dpa' bo dpung bu chung gi tshogs mig gis mthong tshad drug dang / tshangs pa dang / dbang phyug dang / khyab 'jug dang / gdong drug
dang / tshogs bdag la sogs pa lha chen po bcu gnyis po dpung dang bcas pas kyang 'khor du bskor ba/ shambha la nas chu bo shI ta'i lho phyogs su byon nas kla klo'i dpung rnams dang g.yul sprod par
mdzad de/ dpa' bo rnams kyis ni kla klo'i dpung bu chung gi tshogs dang / glang pos glang po dang / rdo'i rtas rta dang / shing rtas shing rta dang / mi dbang dgu bcu rtsa drug pos de'i rgyal phran dang / dmag