R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

  • Pagination (Witness A): 37b
[A:37b]dus kyi 'khor lo bstan pa'i phyir ngas 'dir 'ongs pa yin gyis nyon cig gsungs nas/ der chos kyi dbyings rnam pa thams cad pa'i dkyil 'khor mngon sum du snang bar dbang rdzogs par bskur/
ches cher myur ba'i zab lam rnal 'byor yan lag drug pa'i gdams pa stsal/ ri de'i 'dab ('dabs )rgya mtsho'i 'gram du zhag bdun bsgoms pas grub pa brnyes te rdzu 'phrul gyis nam mkha' la byon nas
shambha la'i ma la ya'i tshal gyi dus kyi 'khor lo'i dkyil 'khor khang bar rigs ldan dngos kyi zhabs la gtugs pas de nyid kyis dbang rnams rdzogs par bskur/ rgyud 'grel man ngag rnams
bstan nas bsdus pa'i rgyud/ rgyud phyi ma/ 'grel chen dri ma med pa'i 'od/ rtsa rgyud dbang mdor bstan/ rang dang gzhan gyi lta ba mdor bstan pa rnal 'byor gsum gyi snying po gsal ba/ don
dam bsnyen pa/ bde mchog stod 'grel/ rdo rje snying 'grel te byang chub sems dpa'i chos sde rnams kyi dpe thams cad kyang gnang ste/ rgya gar shar phyogs me tog khyim du byon/ de nas kyang yul
dbus ma ga dhar byon nas chos bstan pas/ dus 'khor zhabs pa chen po zhes kun tu grags la/ sems 'grel skor 'phags pa'i yul shar nub kun tu dar bar mdzad de sku lus ma spangs