R1179: dpal dus kyi 'khor lo'i brgyud pa rin po che'i rtogs pa brjod pa dpag bsam gyi snye ma/ {bod yig glog rdul dpe cha/}

« Title Page

Pagination (Witness A): 48b

Last Page »

[A:48b]stong phrag mang po la chos gsungs/ na landar phyogs bzhi'i mu stegs kyi ston pa tshar bcad pas de rnams sbyin bdag rgyal po dang bcas pa bstan pa la bcug rgyal po des nor mang po phul ba las rten
gsum bzhengs/ gzhung rtsom pa dang dri ba dgu'i lan dus gcig tu 'debs/ nyi ma ltar grags pa shAkya shrI zhes 'phags pa'i yul kun tu grags/ o tandA pu ri'i gtsug lag khang gi sde pa bzhi'i
dge 'dun khri nyis stong gis bsus te gtso bor khur nas zhabs la gtugs/ 'dam bu'i tshal du ri mo'i bud med kyis bsod snyoms phul ba bzhes/ kha sarpa Ni'i gtsug lag khang du bzhugs dus o
shrI dge ba'i nags 'dabs na sangs rgyas 'khor dang bcas pa la klus bsod snyoms 'dren pa gzigs/ gnas gser gyi tog can du bzhugs pa'i tshe rgya nag rgyal po'i gdan 'dren pa byung bas dkar zhing
mdzes pa'i dge slong zhig gis da res dus la ma bab/ ma 'ongs pa'i dus su byang phyogs su song zhig ces lung bstan te thugs rje chen po yin par 'dug gsungs/ thub pa'i dbang pos/ tshogs gnyis dbyer
med lam gyi mchog/ stong nyid snying rje'i snying po can// zhes sogs chos gsungs pa dang de mi brjed pa'i tho yig rang gi lpags pa la rang gi khrag gis bris/ rdo rje gdan du don zhags lha lnga'i zhal gzigs/