ma thag jo mo nas chos rje kun spangs chen po nyid bsten te/ ri khrod chen po de nyid las gang du yang ma g.yos par lo sum cu rtsa brgyad bzhugs nas/ thos pa dang bsam pa dang bsgoms pas dus 'da' bar mdzad de/ bstan pa'i bya ba dang / 'gro ba'i don yang rgya cher mdzad pa yin no// de nyid kho bo cag gis lo lnga'i bar du 'bral med du bsten nas/ dbang dang / sems 'grel skor gsum gyi 'bro pa/ rwa pa/ bi bhU ti nas brgyud pa'i sha wa ri pa'i skor/ sa skya paN chen nas brgyud pa'i srog rtsol/ gyi jo/ tsa mi/ dpyal pa/ man lung gu ru rnams nas brgyud pa'i man ngag cha lag dang bcas pa yongs su rdzogs par thob pa yin no// //
(2) rwa lugs/
rwa pa'i lugs ltar na/ dus kyi 'khor lo'i 'grel chen la sogs pa/ byang chub sems dpa'i 'grel pa'i skor 'di rnams rgya gar du rgyal po gsum gyi ring la byung ste/ de yang rdo rje gdan dbus su bzhag pa'i shar phyogs ga dza pa ti glang po'i bdag po ra/ rgyal po de wa pA la/ lho phyogs na ra pa ta ིmi'i bdag po ra/ rgyal po dza'u gangga pa/ nub phyogs a shwa pa ta ིrta'i bdag po ra/ rgyal po ka na ka 'u dza zhes pa yod pa'i tshe byung ngo // de la rgya gar shar phyogs su yul bhaM ga la/ bha ren dra/ or wi sa/ ka ma ru bzhi dang / dbus kyi ma ga dhA rnams so//
tsi lu paNDi ta/
de dus na shar phyogs or wi sar sku 'khrungs pa/ tsi lu paNDi ta theg pa mtha' dag mkhyen pa des/ ratna gi ri bi hA ra rin chen ri bo'i gtsug lag khang dang / bi kra ma shI la rnam par gnon pa'i ngang tshul/ rgyal po de wa pA las bzhengs pa dang / nA lan da rnams su mdo rgyud kyi glegs bam thams cad gzigs shing / khyad par du pha rol kyi dmag gi 'jigs pa med pa/ ratna gi ri rin chen ri bo 'i gtsug lag khang du mdo rgyud rnams gzigs pas/ tshe gcig gis sangs rgyas 'grub pa la gsang sngags bla med dgos par mkhyen/ de nyid phyin ci ma log par mkhyen pa la'ang sems 'grel skor gsum dgos pa shambha la na yod do zhes/ yi dam gyi lhas lung bstan pa la brten nas shambha lar gshegs par dgongs te/ tshong pa du ma dang 'grogs nas byang phyogs su zla ba gcig tsam byon pa na/ ri zhig gi 'gram du mi lus bongs shin tu che ba gcig dang mjal/ khyod gar 'gro gsung ba la/ bdag shambha lar byang chub sems dpa' la chos nyan du 'gro zhes byas pas/ der khyod kyis bgrod par mi nus shing tshe'i bar chad du 'gro bas/ 'dir kun tu shes pa byung na mi nyan nam gsung ngo // de nyid 'phags pa 'jam dpal gyi sprul pa yin par mkhyen nas dad gus skyes/ phyag byas maNDal phul nas zhus pas/ dbang bskur/ gdams ngag gnang / rgyud rnams gsungs te/ byang chub sems dpa'i chos skor rnams shes par gyur cig gsungs nas/ me tog gcig mgo la bzhag pas thams cad thugs su chud de/ slob dpon de mi snang bar gshegs skad/ de nas tshur res kyang tshong pa rnams dang 'grogs te gzings la byon nas slar rgya gar shar phyogs su byon no// yang lugs gcig la/ tsi lu paNDi ta de rnal 'byor pa grub pa thob pa cig gi sras yin pas yab kyis shambha lar khrid nas byon pas/ spyan ras gzigs kyi sprul pa dge slong shin tu gzugs bzang ba gcig dang mjal te/ de la dbang gdams pa ma lus par zhus shing / de nyid kyis