po mdzad nas/ drug cu rtsa lnga pa la bde bar gshegs so// rong pa yab sras 'di gnyis kyis dus kyi 'khor lo'i bshad srol shin tu dar bar mdzad pa yin no//
skyi ston 'jam pa'i dbyangs/
de nyid la phar tshad mngon sum la sogs pa mtshan nyid kyi phyogs la shin tu mkhas par grags shing / gsang sngags rdo rje theg pa'ang rgya cher gsan pa skyi ston 'jam pa'i dbyangs grags pa rgyal mtshan gyis gsan la/
chos rje kun mkhyen chen po/
de nyid la chos kyi rje kun mkhyen chen po nyid kyis gsan pa yin te/ de'ang dol por sku 'khrungs nas gzhon nu la rab tu byung ste/ gdan sa chen po dpal ldan sa skyar byon zhing sde snod 'dzin pa chen po skyi ston shAka 'bum dang / skyi ston 'jam pa'i dbyangs khu dbon gnyis la chos gsan nas mngon pa gong 'og gnyis/ mngon par rtogs pa'i rgyan/ tshad ma rnam 'grel dang / rnam nges rnams dus gcig la bshad par mdzad de/ chos khri thang gi sgo steng nas gsungs pas skye bo du ma ngo mtshar bar mdzad pa yin no// de rjes kyang mtshan nyid theg pa dang / gsang sngags rdo rje theg pa'i chos skor khu dbon gnyis la mnga' ba thams cad rdzogs par zhus shing / shin tu mkhas pa mkhyen par mdzad de/ chos rje yon tan rgya mtsho pa'i drung du byon nas sems 'grel skor gsum gyi dbang / gdams ngag la sogs pa rdzogs par zhus shing / gzhan yang bla ma dam pa du ma bsten nas/ chos kyi rje/ chos kyi mnga' bdag chen por gyur te/ bla ma chen po kun dga' rgyal mtshan dpal bzang po khu dbon la sogs pa chen po du ma'i bla mar gyur cing / mkhas pa du ma dang / sgrub pa pho mo phul du byung ba du ma dang / gzhan yang skye bo mang po smin grol gyi lam la bkod la/ bstan pa'i snying po dar rgyas su mdzad cing / mchod rten chen po 'dzam gling rgyan yang bzhengs la/ 'gro ba du ma dge ba la 'god cing bzhugs pa 'di nyid yin no// chos kyi rje 'di nyid snga mo nas ring bar kho bos bsten nas/ dus kyi 'khor lo'i rgyud 'grel chen po/ bshad pa zhib par mdzad pa yongs su rdzogs pa tshar bzhi dang / gzhan yang bka' dang bstan bcos/ dbang dang gdams ngag mang po zhus shing / nges pa'i don gyi bka' dang bstan bcos kyi don tshul bzhin du rtogs pa ni rje btsun 'di nyid kyi bka' drin kho na yin no// //
(3) brgyud lugs gzhan/
dus kyi 'khor lo'i brgyud lugs gzhan ni/ dus 'khor zhabs pa'i slob ma shrI bha dra bo dhis/ gyi jo zla ba'i 'od zer la gnang zhing / de nyid kyis gzhi 'gyur yang mdzad nas/ long chung rnams kyi thog drangs pa la bshad pa yang yun ring du mdzad cing / lo chung rnams kyis kyang bgos nas 'gyur mangs su grags pa yang bsgyur/ bshad bka' yang yun ring du bskyangs zhes grags shing / bsgyur zin gyi glegs bam mthong mod kyi/ de nas brgyud pa'i bka' kho bos ma rnyed do// dA na shrI'i slob ma rma dge ba'i blo gros kyis kyang / gyi jo'i 'gyur gyi steng nas 'gyur bcos mdzad pa'i glegs bam mthong mod kyi/ de la brgyud pa 'ded pa ni ma rnyed do// mang 'or byang chub shes rab dang / blo gros snying po dang / bsod nams ye shes dang / 'a zha rgya gar brtsegs rnams kyis bsgyur ba yang mthong mod kyi/ de rnams kyi'ang bshad bka' ni mi snang ngo // tsa mi sangs rgyas grags