sras skyid mos bsnams nas/ chos dang byin brlabs zhu ru byon pa la/ phyag gis bzhams saM skr-i ta'i skad du lung bstan cing dbugs dbyung ba mdzad de/ rje btsun nyid kyis kyang / byis pa'i dus na kha che ba'i/ /bla ma paN chen nyid dang mjal/ /mgo la phyag gis byugs mdzad nas/ /legs sbyar skad kyis dbugs dbyung mdzad// ces gsungs pa yin no// 'dri klog rnams gzhon nu nyid la mkhyen cing / 'jig rten bstan pa dang / phung po lnga'i rab byed dang / spyod 'jug dang / bag chags dbyug 'ded kyi man ngag la sogs pa yab kyi drung du zhus shing / de na dpyal chos kyi bzang po'i drung du byon nas rgya yig rgya klog la sogs pa dang / khyad par du kye'i rdo rje dang / phag mo la sbyangs pa mdzad cing / nA ro 'grel chen gdams ngag dang bcas pa'ang gsan no// gzhan yang gshin rje gshed dmar po'i dbang / chos skor rnams kyang zhus so// chos rje sa skya paNDi ta la yang / nag po pa'i dbang / sgrub skor/ rnam 'joms/ a ra pa tsa na'i dbang / sgrub skor dang bcas pa rnams kyang zhus shing / 'phags pa rin po che la yang / dril bu pa dang / ma hA ma ya'i dbang chos skor la sogs pa rnams gsan la/ paNDi ta bi bhU ti tsandra dang / khro phu lo tsA ba byams pa'i dpal/ dpyal a mo gha/ mkhan po phag slob dpon dharma gzungs/ 'bum pa 'od she/ mtsho yangs pa gnyan dharma rgyal mtshan/ srin po ri pa mkhan po 'jam/ mkhan po sengge zil gnon/ yar 'brog pa gnyan ston la sogs pa bsten te/ zab pa dang rgya che ba'i chos kyis phyug par gyur nas/ grub pa'i dbang phyug man lung gu ru dang / la stod chos ldan dang / lho pa grub seng dang / dbus pa tshul dar la sogs pa'i dus 'khor la mkhas pa'i slob ma mang po yang byung zhing / 'phags pa rin po che dang / mkhan chen khro phu pa la sogs pa skyes bu dam pa'i slob ma mang po yang smin par mdzad nas/ dgung lo brgyad cu pa la bde bar gshegs so//
bla ma shes rab sengge/
de nyid kyis sras bla ma shes rab sengge pa la gsungs te/ de yang gzhon nu'i dus nas 'bri klog tshar te/ dus 'khor la slob gnyer mdzad nas/ dgung lo bcu drug pa la gsungs/ nyi shu pa la thar par byon nas dpyal pa'i chos rnams zhus/ nyi shu rtsa gnyis pa la/ stag sdee pa sengge rgyal mtshan gyi drung du byon te/ phar tshad la sbyangs pa lo lnga'i bar du mdzad nas mkhas par mdzad de grwa skor yang mdzad do// sum bcu pa la 'phags pa rin po che dang / mkhan chen mchims pa'i drung du rab tu byung ste/ bsnyen par rdzogs nas chos kyang mang du zhus/ lo tsA pa grags pa rgyal mtshan la yang / phreng ba skor gsum dang / 'jam dpal rtsa rgyud/ sman dpyad yan lag brgyad pa la sogs pa gsan/ dgung lo bzhi bcu rtsa gcig pa la shangs 'bar btab nas/ gtsug lag khang bzhengs shing rgyud 'bum dang 'dul ba lung yang bzhengs/ bla ma chen po kun dga' blo gros rgyal mtshan dpal bzang po sku mched rnams kyis thog drangs pa'i chen po du ma dang / 'jig rten gyi mig dam pa/ dpang dpal ldan blo gros brtan pa dang / bla ma dam pa dpal ldan sengge pa dang / skyi ston grags pa rgyal mtshan gyis dbu mdzad/ mkhas pa dang bzang ba dang btsun pa'i slob ma bsam gyis mi khyab pa byung zhing / bstan pa la bya ba rgya chen