[A:107]
bag ston gzhon tshul/ bla ma tshul rgyam/ ngag gi dbang phyug man gong ltar ro// //gnyis pa bye brag gi rigs la/ he ru ka rnam snang / rdo rje nyi ma/ padma gar dbang / rta mchog rdo rje sems dpa' ste drug las/ dang po he ru ka'i rigs gtso bor ston pa'i rgyud la/ bde mchog sangs rgyas thod pa/ mu hA mA yA/ a ralli ste bzhi las/ dang po ni/ rgyud gzhan gyi lugs la sprul pa'i sku rnams da lta mi yul na dngos su mi bzhugs shing / bde mchog gi lugs la sprul pa'i sku rnams da lta yul nyi shu rtsa bzhi na dngos su bzhugs pas byin rlabs gzhan las myur ba'i phyir/ byin rlabs gzhan las khyad par du 'phags pa'i bde mchog rtsa ba'i rgyud le'u lnga bcu rtsa gcig pa dang / bshad rgyud/ sdom 'byung / rdo rje mkha' 'gro/ kun spyod/ kha sbyor/ nges brjod bla ma rnams la brten nas grub chen so sos bkral ba'i 'khor lo bde mchog gi bka' srol sum cu rtsa gnyis tsam yod par grags shing / bod 'dir yang ci rigs pa dar pa las gtso bor lU nag dril gsum ste/ de la dang po grub pa'i slob dpon chen po lU hi pas rtsa rgyud dang rnal 'byor ma kun spyod kyi rgyud dag la brten nas sbyang gzhi sgong skyes sbyong byed du bkral ba dpal 'khor lo bde mchog lha drug cu rtsa gnyis pa'i dkyil 'khor chen por rje ngag dbang legs grub kyi sgrub dkyil dang / shar chen kun dga' bkra shis kyi mtshams sbyor steng nas dbang bzhi rdzogs par thob pa'i brgyud pa la bka' babs dgu las/
dang po sa lugs kyi brgyud pa ni/ rdo rje 'chang chen he ru ka dpal phyag na rdo rje/ bram ze sa ra ha pa/ 'phags pa klu sgrub/ grub chen sha ba ri pa dbang phyug