[A:13]
chen chos kyi rdo rje/ dben sa ba blo bzang don grub man 'dra'o/ /
de ltar na rgyud sdom pa gnyis dang ldan pa de nyid la de bzhin gshegs pa thams cad kyi gsang ba ma lus pa gcig tu 'dus pa'i rdo rje rin po che'i za ma tog chen po rgyud sde rin po che kun las btus pa 'di nyid ston par byed pa la/ khams drug dang ldan pa'i rdo rje'i lus skyon med pa nyid la 'bras bu sku bzhi la sogs pa'i sangs rgyas kyi sa bon 'debs pa'i phyir rgyud ma smin pa smin par byed pa'i thabs dbang / dbang las thob pa'i ye shes kyi rgyud bskyang zhing gong nas gong du 'phel bas 'bras bu'i go 'phangs la sbyor bar byed pa'i thabs rim pa gnyis kyi lam zab mo yan lag dang bcas pa'i khrid/ de dag kyang sgra dang yi ge lhan cig byed rkyen la ltos pa'i slob ma rnams kyis chos la dbang za mi dgos par ji dgar spyad chog pa'i lung / gang las 'phro ba'i gzhi'am 'byung gnas rdo rje 'chang chen po'i gsung rdo rje 'chang gi rgyud sde rnams la khungs gtugs te nges shes mi 'phrogs par ster zhing / rnam gzhag thams cad khong du chud pa'i slad du rgyab brten rgyud kyi bshad bka' ste bzhi las/ dang po smin byed kyi skor la'ang zur bka' so sor phye ba dang / spyi bka' bsdoms su smos pa gnyis/ dang po la'ang rgyud sde dngos dang / gdams ngag las byung ba gnyis las/ dang po rgyud sde chen po bzhi'i bzhugs tshul/ rdo rje'i slob ma rig pa 'dzin pa rnams ji ltar 'jug pa'i go rim/ rigs thams cad kyi khyab byed du gyur pa sogs bya ba'i rgyud kyi dkyil 'khor chen po nas rim gyis bla med gsang mtha' zab pa'i gnyis med kyi mthar thug par 'chad par 'dod de/ de la rgyud sde chen po bzhi las/ thog