[A:14]
mar rig sngags 'chang gi sde snod thams cad kyi rtsa bar gyur pa bya ba'i rgyud kyi mtshan nyid ni/ bltas pas bde ba lam du byas nas yid mtshan ma rtog las bde myur gyis skyob par byed pa'i thabs 'khor dang bcas pa'o/ nges tshig gam sgra don ni/ kr-i ya taTatar zhes pa'i sgra las drangs na/ phyi lus ngag gi bya ba khrus dang gtsang sbra gtso bor ston pas na de skad ces bya'o/ dbye na bya ba spyi dang so so'i rgyud gnyis las/ dang po la'ang spyod pa bzhi po'i don 'dus shing ma tshang ba med par ston pa dpung pa bzang po'i rgyud/ 'jug pa'i spyod pa smin byed gtso bor ston pa gsang ba spyi'i rgyud/ sbyor ba'i spyod pa lha'i rnal 'byor gtso bor ston pa legs par grub pa'i rgyud/ sgrub pa'i spyod pa mtshan med kyi rnal 'byor gtso bor ston pa bsam gtan phyi ma'i rgyud de bzhi yod pa las/
da lan 'dir thog mar dge ba'i dbang du btang nas dkyil 'khor chen po bkod pa'i rgyud dam/ gsang ba spyi rgyud kyi rjes su 'brangs nas grub pa'i dbang phyug chen po kha che ye shes rdo rjes cho ga'i yan lag 'ga' zhig spyod rgyud dang mthun par bkral ba'i bcom ldan 'das rigs gsum spyi'i dkyil 'khor du dbang bskur ba 'jam dbyangs mkhyen brtse'i dbang po'i yig steng nas thob pa'i brgyud pa ni/
rgyal ba rdo rje 'chang chen po/ gsang bdag phyag na rdo rje/ rgyal po indra bhu ti/ ma dhyi ma/ mr-i tyu/ slob dpon 'phags pa klu sgrub/ slob dpon klu'i byang chub kha che ye shes rdo rje/ lo chung grags 'byor shes rab/ sa chen kun dga' snying po/ slob dpon rin po cha e bsod nams rtse mo/ rje btsun rin po che grags pa rgyal mtshan/ chos rje sa skya paNDi ta kun dga' rgyal mtshan/ de gnyis ka las dol pa dkar ston shAkya grags/