[A:154]
brten nas chos rgyal zla ba bzang po dang / rigs ldan 'jam dpal grags pa/ de'i sras padma dkar po sogs kyis bkral zhing / dus zhabs pa che chung gis dar rgyas su mdzad pa'i mchog gi dang po'i sangs rgyas dpal dus kyi 'khor lo sku gsung thugs lha drug brgya drug cu rtsa bzhi'i dkyil 'khor chen por bod gangs can gyi dus 'khor ba'i shing rta chen po rnams kyi yig steng nas rjes gzung / sta gon/ 'jug pa sngon du 'gro ba'i byis pa 'jug pa'i dbang bdun/ dbang gong ma che chung / rdo rje slob dpon bdag po chen po'i dbang dang bcas pa smin rgyas su thob pa'i brgyud pa la rwa 'bro gnyis dang shong 'gyur lugs te kun mkhyen bu ston yan la bka' babs kyi brgyud tshul gsum dang / de rjes rdo rje 'chang mkhyen rab chos rjes rdo rje rnal 'byor ma las dngos su gsan pa'i nye brgyud dang / paN chen nags rin lugs kyi phyi 'gyur sogs brgyud pa'i bka' babs du ma gcig tu 'dres pa dang / gangs can 'dir yang jo zhal gnyis kyi lam srol ji snyed pa bdag cag gi dus zhabs pa chen po 'dir bka' babs pa las/ dang po rwa lugs kyi brgyud pa ni/
dam pa dang po'i sangs rgyas dpal dus kyi 'khor lo/ rgyal po zla ba bzang po/ lha dbang / gzi brjid can/ zla bas byin/ lha'i dbang phyug /sna tshogs gzugs/ lha'i dbang ldan/ rigs ldan 'jam dbyangs grags/ rigs ldan padma dkar po/ 'jam dbyangs sprul pa/ tsi lu paNDi ta/ pi To A tsARYa/ dus zhabs pa chung ba/ manydzu kIrti/ sa manta shrIH rwa chos rab/ rwa ye shes seng ge rwa 'bum seng / rje btsun rgwa lo rnam rgyal rdo rje/ de sras rong pa shes rab seng ge des gu ru dpal ldan seng ge 'phags