[A:178]
dam pa rgya gar ram dam pa sangs rgyas man gong ltar ro// //rje dam pa rgya gar nas brgyud pa'i dpal 'khor lo bde mchog lha bcu gsum ma'i dkyil 'khor du yig rnying gi steng nas dbang bzhi rdzogs par thob pa'i brgyud pa ni/ rdo rje 'chang / 'khor lo sdom pa/ shA ba rI pa/ mai tri pa/ dam pa sangs rgyas man gong gi bde gshegs bcu gnyis dang 'dra'o// //rje btsun dam pa sangs rgyas kyi bka' srol las byon pa'i yum bka' khros ma rigs lnga rgyal chen bzhi dang bcas pa'i dkyil 'khor du yig rnying gi steng nas dbang bskur rdzogs par thob pa'i brgyud pa ni/ dam pa sangs rgyas/ grogs chung dkon seng / shang sa pha lu sdems/ de nas mkha' 'gro ma'i bla ma bzhi la brgyud de/ labs khye sgron ma/ khyi rdzi ma/ gcer bu ma/ 'pher mo ro zan/ de nas rgyal ba te ne man gong gi bde gshegs bcu gnyis dang 'dra'o// //bcom ldan 'das kyis sdom pa 'byung ba'i rgyud las/ de nas yang dag bshad par bya/ /sku ni kye yi rdo rje la/ /gsung ni sgyu 'phrul rdo rje'o/ /thugs ni 'khor lo bde mchog che/ /phrin las rdo rje 'jigs byed nyid/ /bdag nyid gsang ba 'dus par brjod/ /ma 'ongs sems can don du ni/ /thabs 'di dag ni bstan pa yin/ /thabs kyi rim pa 'di dag ni/ /kun gyi thun mong ma yin te/ /dkyil 'khor gcig tu dbang bskur bas/ /gsang sngags spyod pa'i rnal 'byor pas/ /rgyud sde rnam lngar gang bstan pa/ /klo klo'i skad kyis 'di sbas pas/ /thub pa'i zhal shes gsang ba 'di/ /snying po kun gyi don gyi rgyud/ /dka' thub spyod byed thun mong min/ /